21.01.2026 | 18:32
Մենք մեր Միշիկը չունենք, որ ծրարով փող տա, չենք էլ ուզում․ Փաշինյանը՝ Խամոյանին․ ՏԵՍԱՆՅՈՒԹ
Լրատվամիջոցներն իրենց բաժին մեղքն ունեն, որ ոստիկանությունն անընդհատ շարունակում է կարճել ԼԳԲՏ անձանց նկատմամբ բռնության դեպքերը․ լրագրող
Հասարակություն
25.12.2018 | 12:27
Լրագրող Հովհաննես Իշխանյանն ուսումնասիրել է լրատվամիջոցներով ատելության խոսքի տարածումն ու հանգել է այն եզրակացության, որ որոշ ԶԼՄ-ներ ԼԳԲՏ անձանց մասին գրելիս պարզապես չեն ապահովում երկրորդ ձայնի առկայությունը կամ խոսում են մի բանի մասին, որը գոյություն չունի։
Այս մասին այսօր 2018 թ. Շուռնուխում տեղի ունեցած բռնության քրեական գործի կարճման պատճառների «Փինք Արմենիա» ՀԿ-ի կազմակերպած քննարկման ժամանակ ասաց լրագրողը՝ նշելով, որ լրատվամիջոցներն իրենց բաժին մեղքն ունեն, որ ոստիկանությունը անընդհատ շարունակում է կարճել ԼԳԲՏ անձանց նկատմամբ բռնության դեպքերը։
Նա ներկայացրեց իր կողմից իրականացված ուսումնասիրության արդյունքները, ըստ որոնց, եթե նախկինում ատելության խոսքն այս համայնքի ներկայացուցիչների նկատմամբ տարածվում էր կոնկրետ մեկ պարբերականի միջոցով, ապա այժմ այդ շարքերը համալրել են մի շարք կայքեր և հեռուստաընկերություններ։
Հարցին՝ կա՞ արդյոք վիճակագրություն, թե քանի հրապարակում է եղել, որոնք արտահայտել են ատելության քարոզ և խտրական վերաբերմունք ԼԳԲՏ համայնքի ներկայացուցիչների նկատմամբ, Իշխանյանն ասաց, որ նման վիճակագրություն կլինի արդեն հաջորդ տարի՝ 2019 թվականին։
Վերջում Հովհաննես Իշխանյանը խորհուրդ տվեց լրագրողներին ատելության խոսքի քարոզի փոխարեն փորձել հասկանալ, թե ինչ խնդիրներ կան այս համայնքում, իսկ խնդիրներ կան՝ սկսած ընտանիքից մինչև բանակ։ «Պետք է ավելի շատ անձի պատմությունը դուրս բերել, ոչ թե հոգևորականների ճառերը»,-խոսքը եզրափակեց լրագրողը։
