02.03.2026 | 13:27
ԱԽ-ն աշխատում է. ՊՆ փոխնախարարը` Մերձավոր Արևելքում ստեղծված իրավիճակի մասին․ ՏԵՍԱՆՅՈՒԹ
Լվովում Սուրբ Ծննդյան տոնավաճառում պայթյունի հետևանքով Հայաստանի քաղաքացի է տուժել
Քաղաքականություն
24.12.2018 | 21:16
Ուկրաինական Լվովում Սուրբ Ծննդյան տոնավաճառում պայթյունի և դրան հետևած հրդեհի հետևանքով Հայաստանի 50-ամյա քաղաքացի է տուժել: Նրա վիճակը ծայրահեղ ծանր է, նա վերակենդանացման բաժանմունքում է: Այս մասին տեղեկանում ենք ուկրաինական THC-ից:
Պայթյունի հետևանքով ևս չորս տուժած կա, բոլորի վիճակը կայուն ծանր է: Նրանք ձեռքերի և դեմքի շրջանում խորը այրվածքներ են ստացել:
Նշենք, որ դեպքը տեղի է ունեցել դեկտեմբերի 22-ին: Տոնավաճառի կրպակներից մեկում գազի բալոն է պայթել, ինչի հետևանքով առաջացած հրդեհը երեք փայտե տաղավար է ոչնչացրել:
Ոստիկանությունը հետաքննություն է սկսել: Իրավապահները փորձում են պարզել, թե ինչպես է արգելված գազաբալոնը հայտնվել տաղավարում: Մեղավորին 8 տարի ժամկետով ազատազրկում է սպառնում:
