13.10.2026 | 13:34
Հաշմանդամություն ունեցող երեխաներին ուղեկցողները Երևանի հանրային տրանսպորտից կօգտվեն անվճար. նախագիծ
Փհենյանը կշարունակի միջուկային և հրթիռային հզորության ցուցադրումը, քանի դեռ ԱՄՆ-ը չի դադարեցրել իր թշնամական քաղաքականությունը. ԶԼՄ
Քաղաքականություն
31.07.2017 | 12:14
Հյուսիսային Կորեան կշարունակի միջուկային և հրթիռային հզորության ցուցադրումը այնքան ժամանակ, քանի դեռ ԱՄՆ-ն չի դադարեցրել այդ երկրի նկատմամբ թշնամական քաղաքականությունը. հայտնում է ria.ru-ն՝ վկայակոչելով հյուսիսկորեական «Նոդոն սինմուն» թերթը:
«Հվասոն-14» միջմայրցամաքային բալիստիկ հրթիռի երկրորդ փորձարկման մեծ հաջողությունը մեր կուսակցության և ժողովրդի հեղափոխական հավատի հզոր ցուցադրությունն էր, որոնք պատրաստ են հարվածներ հասցնել այնքան ժամանակ, քանի դեռ ամերիկացի իմպերիալիստները չեն դադարեցրել Կորեայի նկատմամբ թշնամական քաղաքականությունն ու ծնկաչոք ներողություն չեն խնդրել մեր ազգին հասցված տանջանքների համար»,- ասված է ԿԺԴՀ-ում վերջին հրթիռային փորձարկմանը նվիրված թերթի հոդվածներից մեկում:
Հարավկորեական Yonhap գործակալության փոխանցմամբ, Փհենյանն իր միջուկային և հրթիռային հզորության ցուցադրմամբ ցանկանում է հասնել իր նկատմամբ ԱՄՆ քաղաքականության փոփոխությանը:
