03.07.2026 | 05:09
ԱԱ-2026. Պորտուգալիան հաղթանակ կորզեց ու կխաղա Իսպանիայի հետ. ՏԵՍԱՆՅՈՒԹ
Մշակույթի նախարարության միավորումով թշնամու ձեռքը զենք ենք տալիս. Աշոտ Կյուրեղյան. ՏԵՍԱՆՅՈՒԹ
Քաղաքականություն
21.12.2018 | 10:44
Առավոտյան ժամը 09։00-ից սկսած գործադուլին է միացել նաև Մշակույթի նախարարության գործերի կառավարման վարչության պետ Աշոտ Կյուրեղյանը։ Factor.am-ի հարցին՝ ի՞նչն է իրեն բերել կառավարության շենքի առաջ բողոքի, պարոն Կյուրեղյանն ասաց․ «Մշակույթի նկատմամբ մեր կառավարության մոտեցումը, որ էսպես հապճեպ, առանց քննարկման որոշման նախագիծ է ներկայացվել»։
Ինքը և Մշակույթի նախարարության մյուս աշխատակիցները կառավարության որոշման մասին տեղեկացել են երեկ՝ ժամը 15։00-ին, երբ նախագիծն ստացել են իրենց գերատեսչությունում․ «Մենք համամիտ չենք այդ որոշման նախագծի հետ և մեր բողոքն ենք արտահայտում։ Մշակույթը համարվում է մեր երկրի, մեր ժողովրդի աղն ու հացը։ Բանակից հետո երկրորդ ստրատեգիական նշանակություն ունեցող ոլորտը մշակույթն է։ Մեր ազգը դարեր շարունակ պայքարել է, մշակույթով է ներկայացել աշխարհին, մշակույթով է հանրահռչակվել»։
Ըստ Աշոտ Կյուրեղյանի՝ Կրթության և գիտության նախարարությանը միանալը մշակույթի ոլորտի վրա խորը հետևանքներ է թողնելու․ «Մշակույթի նախարարության միավորումով թշնամու ձեռքը զենք ենք տալիս»։
Մանրամասները՝ տեսանյութում:
