05.07.2026 | 12:54
Առանձնատանը կից շոգեբաղնիքում հրդեհ է բռնկվել․ դեպքի վայր է մեկնել 3 մարտական հաշվարկ
Վաղը մենք լացելու ենք․ Տիգրան Հեքեքյանը՝ Մշակույթի նախարարությունը փակելու մասին․ ՏԵՍԱՆՅՈՒԹ
Քաղաքականություն
20.12.2018 | 17:25
Մշակութապես զարգացած հասարակությունը կրթվում է պետության կողմից, իսկ ինչ վերաբերում է Մշակույթի նախարարությունը փակելուն, ապա պետք է նշեմ, որ փոխանակ ընդերքից այն վերակառուցենք, մենք որոշում ենք քանդել և վերացնել. այս մասին այսօր «Մշակութային ոլորտի խնդիրներն ու ակնկալվող բարեփոխումները. 2018թ. ամփոփում թեմայով» քննարկման ժամանակ ասաց «Հայաստանի փոքրիկ երգիչներ» երգչախմբի ղեկավար Տիգրան Հեքեքյանը։
«Հիշում եք՝ ինչպես հանրակրթական դպրոցները փակեցին, որովհետև աշակերտներ չկային և տվեցին հյուրանոցներին, փոխանակ պայքարեին արտագաղթի դեմ և խթանեին ծնելիությունը։ Վաղը մենք լացելու ենք, որովհետև մենք արդեն ունենք աճող հասարակություն, բայց չենք իմանալու, թե երեխաներին որտեղ ուղարկենք սովորելու. գեղեցիկը սովորելու»,- իր մտահոգությունը հայտնեց Հեքեքյանը՝ շեշտելով, որ մեզ պետք է կերտել մշակութային քաղաքականություն և հայեցակարգ։
Տիգրան Հեքեքյանը նաև նշեց՝ եթե անգամ Մշակույթի նախարարությունը վերածվի վարչության և տրվի Կրթության նախարարությանը, հիմա էլ պետք է նստել և մեկ այլ խնդրի մասին։
«Հիմա պետք է նստենք մտածենք, արդյոք Կրթության նախարարը կունենա մշակութային հենք, որը մշակույթի համար կցավա այնպես, ինչպես կրթության համար»,- ասաց «Հայաստանի փոքրիկ երգիչներ» երգչախմբի ղեկավարը։
Մանրամասները՝ տեսանյութում։
