16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Արա Բաբլոյանը մսխել է ԱԺ բյուջեն. «Ժամանակ»
20.12.2018 | 10:35
«Ժամանակ» թերթը գրում է.
ԱԺ նախագահ Արա Բաբլոյանի հրամանով ԱԺ փոխնախագահները, հանձնաժողովի նախագահները և խմբակցությունների ղեկավարները զրկվել են ծառայողական մեքենաներից, և դա այն դեպքում, երբ այս ԱԺ-ն գործելու է մինչև հաջորդ գումարման խորհրդարանի առաջին նիստը` հունվարի 14-ը: Ընդ որում՝ խորհրդարանի նախագահը իր ծառայողական մեքենան և իրեն սպասարկող թիկնազորի մեքենաները շարունակում է ապահովել պետական բենզինով:
Արա Բաբլոյանի այս քայլը պատգամավորները բացատրում են խորհրդարանի բյուջեն նրա կողմից մինչև վերջ դատարկելով: Բաբլոյանը հասկանում է, որ իրենից հետո աուդիտ են անցկացնելու և հայտնաբերելու են իր կողմից մսխված գումարները: Բացը լրացնելու համար նա որոշել է խնայել մյուս պատգամավորների հաշվին, որոնց մեծ մասը նոր խորհրդարանում այլևս չի լինելու:
Առավել մանրամասն՝ թերթի այսօրվա համարում:
Այս կապակցությամբ, ավելի ուշ, ֆեյսբուքի իր էջում արված գրառմամբ պարզաբում է հրապարակել ԱԺ աշխատակազմի ղեկավարի տեղակալ Արսեն Բաբայանը:
«Այսօր «Ժամանակ» թերթում հրապարակվել է անհեթեթ տեղեկություն մտացածին մսխումների մասին:
«Իր կարծիքով «անհայտ» մի աղբյուր «Ժամանակ» օրաթերթի լրագրողի վստահությունը չարաշահելու միջոցով փորձել է իր անհեթեթ մտքերը սփռել, իսկ լրագրողն էլ, հավանաբար, տուրք տալով գայթակղությանը ցուցաբերել է անհեռատեսություն և ստացված զրպարտություններ պարունակող տեղեկությունն անգամ չի փորձել ճշտել Ազգային ժողովի աշխատակազմից։
Պաշտոնապես հայտնում եմ, որ Ազգային ժողովի բոլոր պատգամավորների (նախագահ, փոխնախագահներ, հանձնաժողովների նախագահներ և այլն) ծառայողական ավտոմեքենաներն այս պահին էլ շարունակում են սպասարկել իրենց, որի համար ստացել և շարունակում են ստանալ սահմանված չափով բենզին։
Պաշտոնապես հայտնում եմ նաև, որ 2018 թվականին ԱԺ աշխատակազմն արդյունավետ կառավարման արդյունքում ունեցել է բյուջեի զգալի խնայողություն։ Մի շարք խնայողությունների շարքում միայն վառելիքի գծով 2018 թվականին տնտեսվել է ավելի քան 90 հազար լիտր բենզին։
Հետևաբար` բոլոր այն զրպարտությունների տարածումը, թե իբր աշխատակազմը ոչ արդյունավետ է ծախսել միջոցները, «անհայտ» աղբյուրի չարամիտ նպատակների հետևանքն է։
Հիշեցնում ենք, որ ՀՀ Ազգային ժողովի նախագահը չի զբաղվում մեքենաների հավաքմամբ կամ բաշխմամբ, այն ամբողջությամբ Ազգային ժողովի աշխատակազմի գործառույթների շրջանակներում է»,- գրել է նա:
