14.01.2026 | 21:13
Փաշինյանը ծանոթացել է Դեղերի և բժշկական տեխնոլոգիաների փորձագիտական կենտրոնի բարելավված պայմաններին
«Խնամիներով կարգին գործ են արել»․Ստյոպա Սաֆարյանը՝ «Ծառուկյան» դաշինքի ինքնաբացարկների մասին
03.05.2017 | 19:36
Միջազգային և անվտանգության հարցերի հայկական ինստիտուտի հիմնադիր Ստյոպա Սաֆարյանի գնահատմամբ` «Ծառուկյան» դաշինքի 12 պատգամավորների ինքնաբացարկների դիմումների հետ կապված իրավիճակը «Հայաստանի ընտրությունների ինքնաբացարկն է»:
«Միշտ էլ որոշ կուսակցություններ կանխավ ինքնաբացարկի դիմումներ են ունեցել, բայց այն ինչ տեղի ունեցավ «Ծառուկյան» դաշինքի հետ, բավական զանգվածային երևույթ էր, և աննախադեպ այն իմաստով , որ նույնիսկ իրենց տեղյակ չէին պահել, որ իրենց անունից ինքնաբացարկի դիմում է ներկայացվել ԿԸՀ»,- ասաց մեր զրուցակիցը։
Սաֆարյանը հիշեցրեց, որ մինչ այս պահը «Ծառուկյան» դաշինքից պարզաբանմամբ հանդես չեն եկել, իսկ ինքնաբացարկի «դիմում ներկայացրած» անձինք էլ հայտարարում են, որ չեն կարողանում կապ հաստատել դաշինքի ղեկավար Գագիկ Ծառուկյանի հետ։
«Տեղի ունեցածը ոչ միայն քաղաքական էթիկայի կամ նորմերի խախտում է, այլ հակաիրավական վարքագիծ, այն արդեն իրավապահ մարմինների պատասխանատվության դաշտում է։ Սա Հայաստանի ընտրությունների ինքնաբացարկն է»,- ընդգծեց Սաֆարյանը։
Անդրադառնալով այն հարցին, որ Կենտրոն նոտարական գրասենյակի նոտար, նախկին վարչապետ Հովիկ Աբրահամյանի դուստր Աննա Աբրահամյանը վստահեցրել է, թե քաղաքացիները ներկա են եղել իրենց ստորագրության իսկությունը հաստատող փաստաթղթերի վավերացման ժամանակ, թեև ընդունել է, որ ինքնաբացարկի դիմումների տեքստը գրված չի եղել` Սաֆարյանն ասաց․
«Ինչ ասեմ, խնամիներով կարգին գործ են արել․․․Եթե թեկնածուներից մեկը հայտարարում է,որ ինքնաբացարկի դիմումը վերաբերել է պատգամավորի թեկնածուին, այլ ոչ թե պատգամավորի ինքնաբացարկին, ուրեմն մոլորեցրել են, կամ նոտարը լավ չի բացատրել կամ մասնակից է եղել մոլորության»։
Սեդա Ղուկասյան
