18.05.2026 | 18:19
Արցախի Շուշին և Թուրքիայի Տրապիզոնը քույր քաղաքներ կդառնան
The Economist-ը Հայաստանը ճանաչել է «Տարվա երկիր»
Քաղաքականություն
18.12.2018 | 23:08
Բրիտանական հեղինակավոր The Economist պարբերականը «Տարվա երկիր» է ճանաչել Հայաստանը:
«Մենք մրցանակը շնորհում ենք ոչ թե ամենազդեցիկ, ամենահարուստ կամ ամենանրբաճաշակ սնունդն ունեցող ազգին, այլ այն երկրին, որն առաջընթաց է գրանցել»,- գրել է պարբերականը:
«Ո՞ր երկիրն է անցած 12 ամիսների ընթացքում փոխվել դեպի լավը»,- հարց է նչեցրել The Economist -ը, ու կարծիք հայտնել, որ դա հենց Հայաստանն է:
Պարբերականը նշել է, որ ընտրությունը հեշտ չի եղել ու ընդգծել, որ տարվա ընթացքում լավ աշխատանքը դեռևս չի երաշխավորում հաջողություն ապագայում. «Այդպես, օրինակ, անցյալ տարվա հաղթող Ֆրանսիան այսօր չի հանգստանում զանգվածային ցույցերից ու անկարգություններից, իսկ 2015-ի հաղթող Մյանման վերջերս «արյունալի» հետընթաց է ապրել»:
Վերջին երեք մրցակիցներից՝ Հայաստան, Մալազիա, Եթովպիա, ընտրությունը կանգնել է Հայաստանի վրա, քանի որ անարյուն հեղափոխությամբ կարողացել է իշխանափոխություն անել՝ խուսափելով Ռուսաստանի միջամտությունից ու չթեժացնելով ղարաբաղյան հակամարտությունը։
«Shnorhavorum yem!»,- լատինատառ հայերենով եզրափակել է հեղինակավոր պարբերականը։
