04.09.2026 | 13:53
Նիկ Կիրյոսը մեկ ամսով որակազրկվել է կոկաին օգտագործելու համար
Դատարկում են Մանվել Գրիգորյանի, Դերժավայի Արկադիի և Արամ Հարությունյանի ԱԺ նախկին աշխատասենյակները. ով ինչ էր բերել. ՏԵՍԱՆՅՈւԹ, ԼՈւՍԱՆԿԱՐՆԵՐ
Քաղաքականություն
18.12.2018 | 18:07
Ազգային ժողովի 6-րդ գումարման պատգամավորներն այս օրերին իրենց իրերն են հավաքում: Նրանք ազատում են իրենց արդեն նախկին աշխատասենյակները, որպեսզի մի քանի օրից դրանք հանձնվեն 7-րդ գումարման խորհրդարանի պատգամավորներին:
Հեռանալիս պատգամավորները իրենց հետ տանում են իրենց գույքը: Հատկապես ՀՀԿ-ական պատգամավորների գույքը շատ թանկարժեք է: Մեր նկարահանումների ժամանակ ԱԺ աշխատակիցները բանվորների հետ դատարկում էին ՀՀԿ-ական Արամ Հարությունյանի աշխատասենյակը: Այնտեղից բանվորները տանում էին պահարաններ, գեղանկարներ, սեղաններ, բազմոցներ: Սակայն, ուշագրավն այն է, որ Հարությունյանը չէր եկել իր գույքի հետևից:
Արամ Հարությունյանի սենյակի հարևանությամբ էլ մեկ այլ բանվորական խումբ դատարկում էր Արկադի Համբարձումյանի՝ Դերժավայի Արկադիի աշխատասենյակը: Գրեթե նույն գույքը տանում էին այնտեղից:
Գեներալ Մանվել Գրիգորյանի աշխատասենյակը ևս այսօր դատարկվեց իրերից:
Նշենք, որ նրա ձերբակալման օրվանից այն չէր բացվել: ԱԺ փոխնախագահներ Արփինե Հովհաննիսյանը և Էդուարդ Շարմազանովը ևս տանում էին իրենց բերած իրերը: Հովհաննիսյանն ԱԺ-ում չէր, օգնականներն էին խնդիրը կարգավորում, իսկ Շարմազանովն անձամբ էր եկել գույքի հետևից: Նրանց աշխատասենյակների դատարակման գործընթացը, սակայն, նկարել մեզ թույլ չտրվեց:
Մանրամասները՝ տեսանյութում:
