16.11.2024 | 17:00
Բժանիան նշել է Աբխազիայի նախագահի պաշտոնից իր հրաժարականի պայմանը
Եթե հայտարարում եք, որ բանակն ունի 2․5 մլրդ դոլարի կարիք, որ արդիականացվի, նշանակում է՝ թշնամուն բացահայտ ասում եք՝ ինչ վիճակում է այն․ Ա. Սարգսյան․ ՏԵՍԱՆՅՈՒԹ
Քաղաքականություն
18.12.2018 | 14:47
Հայաստանի Դեմոկրատական կուսակցության նախագահ Արամ Սարգսյանի համոզմամբ՝ արտախորհրդարանական բոլոր ուժերը ունեն լուրջ մտադրություն՝ միավորվելու Սահմանադրության փոփոխության և Ազգային պետական անվտանգության խնդիրների շուրջ։
Այս մասին այսօր հրավիրված մամուլի ասուլիսի ընթացքում ասաց Սարգսյանը՝ շեշտելով, որ ցանկանում է օգնել նոր իշխանությանը, որպեսզի նրանք իսկապես հաջողեն:
«Հակառակ դեպքում, եթե որևէ շեղում լինի, օրինակ, պետական անվտանգության խնդրից, բոլորս ենք տուժելու»,- ասաց Դեմոկրատական կուսակցության նախագահը։
Անդրադառնալով արցախյան հիմնախնդրին՝ Արամ Սարգսյանը նշեց, որ իրենց համար անհասկանալի են Արցախում կատարվող կադրային վերջին փոփոխությունները, չկա նաև այն հարցի պատասխանը՝ արդյոք Հայաստանն ու Արցախը պատրաստվո՞ւմ են ներկայացնել միասնական դիրքորոշում Արցախի հիմնահարցի կարգավորման վերաբերյալ։
«Եթե դուք շարունակելու եք նույն բանակցությունները վարել, ինչպես նախորդները՝ հիմնված Մադրիդյան սկզբունքի վրա, նշանակում է դուք վտանգում եք այդ հարցը՝ առավել ևս, երբ Կառավարության նիստի ժամանակ հայտարարում եք, որ մեզ 2․5 մլրդ դոլար է պետք, որ մեր բանակը կարգի բերենք։ Ես էսպիսի փաստ երբևիցե չեմ լսել, նման հայտարարություն երբևիցե չէր կարելի անել։ Եթե դուք հայտարարում եք, որ ձեր բանակն ունի 2․5 մլրդ դոլարի կարիք, որ արդիականացվի, նշանակում է՝ թշնամուն բացահայտ ասում եք՝ ինչ վիճակում է ձեր բանակը»,- իր մտահոգությունները հայտնեց Արամ Սարգսյանը։
Ասուլիսին ներկա ԳԽ նախկին պատգամավոր Ազատ Արշակյանն էլ անդրադառնալով ներքաղաքական զարգացումներին՝ նշեց, որ Հայաստանի համար դեռևս ներքաղաքական օրակարգ ձևավորված չէ, ինչը դարձել է մեր քաղաքական կյանքի գլխավոր բացթողումը։
Ազատ Արշակյանն անդրադարձավ նաև ՀԱՊԿ-ում տիրող վերջին զարգացումներին։
Մանրամասները՝ տեսանյութում։
Աղավնի Սուքիասյան
