21.01.2026 | 18:32
Մենք մեր Միշիկը չունենք, որ ծրարով փող տա, չենք էլ ուզում․ Փաշինյանը՝ Խամոյանին․ ՏԵՍԱՆՅՈՒԹ
«Վահագն Հարությունյանի ՀՀ-ում չգտնվելը պայմանավորված չէ նրա նկատմամբ ապօրինի քրեական հետապնդմամբ»․ փաստաբան
Հասարակություն
17.12.2018 | 15:44
«Մարտի 1»-ի գործով հետախուզման մեջ գտնվող քննչական խմբի նախկին ղեկավար Վահագն Հարությունյանն օրերս անդրադառնալով իր դեմ հարուցված քրեական գործին՝ այն որակել էր «իր նկատմամբ անձնական վրեժխնդրություն»։
Նշենք, որ Վերաքննիչ դատարանի որոշմամբ Հայաստանից բացակայող Հարությունյանի նկատմամբ կալանքը, որպես խափանման միջոց, վերացվեց։ ՀՔԾ-ից Factor.am-ին հայտնեցին, որ Վահագն Հարությունյանի նկատմամբ հայտարարված հետախուզումը չի դադարեցվում։
Այս առնչությամբ զրուցեցինք նաև Վահագն Հարությունյանի պաշտպան Միհրան Պողոսյանի հետ: «Այս պահին որևէ մանրամասնություն ներկայացնել չեմ կարող, այն ինչ հրապարակվել է, դա է»,- փոխանցեց նա։
Հարցին, թե ստացավ արդյոք դատարանի որոշումը, թե ինչու վերացվեց Հարությունյանի կալանքը, փաստաբանը բացասական պատասխան տվեց։ Տեղեկացանք, որ հետախուզման հետ կապված նախաքննական մարմնի որոշումը պաշտպանական կողմը բողոքարկել է: «Հուսով ենք, որ դատարանը կբավարարի մեր բողոքի միջնորդությունը»,- ասաց նա։
Պաշտպանը նաև հավաստիացրեց, որ Վահագն Հարությունյանի՝ Հայաստան վերադառնալու հարցը բացառապես կախված է նրա առողջական վիճակի կայունացումից։ Նրա խոսքով՝ երբ առողջական խնդիրները կարգավորված կլինեն, նա Հայաստան կվերդառնա, անգամ, եթե կալանքի որոշում կայացված լինի. «Իր Հայաստանում չգտնվելը երբևիցե պայմանավորված չի եղել իր նկատմամբ ապօրինի քրեական հետապնդմամբ»։
Լիլիթ Շաբոյան
