16.07.2026 | 10:14
Արման Ծառուկյանը չի բացառել մասնակցությունն Օլիմպիական խաղերին
Արտակ Զեյնալյանն այցելել է Նաիրի Հունանյանին և խորհուրդ տվել սպորտով զբաղվել
Հասարակություն
17.12.2018 | 12:39
Արդարադատության նախարարի պաշտոնակատար Արտակ Զեյնալյանն այցելել է 1999 թվականի հոկտեմբերի 27-ի ահաբեկչության կազմակերպիչ Նաիրի Հունանյանին։ Այս մասին այսօր՝ դեկտեմբերի 17-ին, հրավիրված ամփոփիչ ասուլիսի ժամանակ ասաց նախարարի պաշտոնակատարը։
«Խորհուրդ եմ տվել սպորտով զբաղվել, քանի որ դրա անհրաժեշտությունը կա»,- ասաց նա։
Վերջինս նշեց, որ Նաիրի Հունանյանի հոգեկան վիճակի վերաբերյալ մանրամասներ չի կարող հայտել, քանի որ տեսակցությունը երկար չի տևել։ «Ամեն դեպքում, այդ պահին ոչ մի կասկածելի բան չեմ նկատել»,- նկատեց նախարարի պաշտոնակատարը։
Հիշեցնենք, որ Նաիրի Հունանյանը պահվում է «Երևան-Կենտրոն» քրեակատարողական հիմնարկում։
Հավելենք, որ ավելի վաղ Factor.am-ի պաշտոնական հարցմանն ի պատասխան նշվել էր, որ Նաիրի Հունանյանը ներկայում առողջական խնդիրներ չունի, ազատազրկման ընթացքում նրան ցուցաբերվել է անհրաժեշտ բուժօգնություն։
Աղավնի Սուքիասյան
