24.02.2026 | 19:45
«Իմ կյանքը լուրջ վտանգի տակ է «Վանաձոր»-ի բերդում»․ կալանավորը սպառնալիքներ է ստանում. ՏԵՍԱՆՅՈՒԹ
Փաշինյանի ցանկացած հայտարարություն՝ ուղղված արդարադատության մարմիններին կամ դատավորներին, իր ազդեցությունն է ունենում․ Խ․ Հարությունյան
Քաղաքականություն
14.12.2018 | 14:42
Մենք ապրում ենք արդարադատության շատ բարդ մի փուլ, և միշտ չէ, որ ամենալավ ցանկություններով, նույնիսկ օրենքը խախտելու ճանապարհով, կարելի է լավագույն արդյունք ապահովել։ Ակնհայտ է, որ Նիկոլ Փաշինյանի ցանկացած հայտարարություն՝ ուղղված է արդարադատության մարմիններին կամ դատավորներին, իր ազդեցությունն ունենում է անպայման։
Այս մասին այսօր հրավիրված մամուլի ասուլիսի ժամանակ ասաց ՀՀԿ-ական Խոսրով Հարությունյանը։
«Շատ միամիտ պետք է լինել, որ ասել, դա այդպես չէ։ Իսկ եթե դուք նպատակ ունեք արդարադատությունը կայացնել, միայն այդպիսի հանձնարարականներով արդարադատությունը ոտքի չի կանգնի․ պետք են ռադիկալ և համակարգային փոփոխություններ, որոնք միայն մարդկանց ձերբակալելով չի լինի։ Սա վերաբերում է նաև կոռուպցիայի դեմ պայքարին։ Անկասկած է, որ պատժի անխուսափելիությունը շատ էական է, բայց եթե համակարգային փոփոխություն չանեք, կոռուպցիան չի կարող վերանալ, այնպես որ քաղաքական կամքի առկայությունը շատ էական, բայց ոչ բավարար պայման է»,- նշեց Հարությունյանը։
Աղավնի Սուքիասյան
