21.01.2026 | 18:23
Փաշինյանին միացած եպիսկոպոսները չեն մասնակցի Եպիսկոպոսաց ժողովին // Պուտինը կընդունի Թրամփի բանագնացին․ ԼՈՒՐԵՐ
Ֆրանսիական ոստիկանությունը ոչնչացրել է Ստրասբուրգի հրաձիգին
Քաղաքականություն
14.12.2018 | 12:39
Ստրասբուրգում Սուրբ Ծննդյան տոնավաճառի տարածքում անցորդների գնդակահարած ահաբեկիչը ոչնչացվել է: Ֆրանսիայի ՆԳ նախարար Քրիստոֆ Կաստաները հաստատել է լուրը:
Երեք ոստիկաններ փողոցում կանգնեցրել են հրաձիգին. վերջինը փորձել է դիմադրել, բայց իրավապահները կրակ են բացել նրա ուղղությամբ և չեզոքացրել: Կասկածյալը՝ 29-ամյա Շերիֆ Շեքաթը, կարողացել է 48 ժամ շարունակ թաքնվել ոստիկանությունից, գրում է Gazeta.ru-ն:
BFMTV-ի հաղորդմամբ՝ կասկածյալին առաջինն ուշադրություն է դարձրել տեղի մի բնակչուհի, որին Շեքաթը դիմել է փողոցում: Կինը նկատել է, որ երիտասարդը վիրավոր է, և անմիջապես զանգահարել ոստիկանություն:
Հիշեցնենք, որ դեպքը տեղի է ունեցել դեկտեմբերի 11-ին Ստրասբուրգում: Շեքաթը «Ալլահ աքբար» բղավելով՝ կրակ է բացել Սուրբ Ծննդյան տոնավաճառի այցելուների ուղղությամբ: Հարձակման հետևանքով 3 մարդ զոհվել է, 13-ը՝ վիրավորվել: Իշխանությունները տեղի ունեցածն ահաբեկչություն են որակել:
Հայտնի է, որ Շերիֆ Շեքաթն իրավապահներին ծանոթ է եղել մինչև Ստրասբուրգի միջադեպը: Նա տարբեր երկրներում 27 անգամ դատապարտված է եղել, Ֆրանսիայում, Գերմանիայում և Շվեյցարիայում մի քանի անգամ բանտում է հայտնվել և հատուկ ծառայությունների մոտ գրանցված է եղել որպես պոտենցիալ վտանգավոր սուբյեկտ:
