19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Հայաստանում քրեածին իրավիճակը անհանգստության տեղիք չի տալիս. ոստիկանությունը արձագանքել է ԱՄՆ դեսպանության կոչին
Հասարակություն
13.12.2018 | 22:25
Հայաստանում ԱՄՆ դեսպանությունը զգուշության կոչ է արել տոնական օրերին Հայաստան այցելող ԱՄՆ քաղաքացիներին: Կոչի առնչությամբ ՀՀ ոստիկանությունը պարզաբանում տարածել, ընդգծելով, որ Հայաստանի Հանրապետությունում քրեածին իրավիճակը անհանգստության տեղիք չի տալիս, անվտանգ է ինչպես Հայաստանի քաղաքացիների, այնպես էլ զբոսաշրջիկների համար և գտնվում է ոստիկանության մշտական վերահսկողության ներքո:
«Հայտնում ենք, որ բազմաթիվ միջազգային կազմակերպություններ անվտանգ են գնահատել Հայաստանն ու մայրաքաղաք Երևանը, և ոստիկանությունն ու մյուս իրավապահ մարմինները ունեն բոլոր հնարավորություններն ու միջոցները և անում են ամեն ինչ` այդ գնահատականը հաստատելու ու հասարակական անվտանգության լիարժեք պահպանման համար, իսկ հատկապես տոնական օրերին ոստիկանությունը պարտադիր անցնում է ուժեղացված ծառայության»,- նշված է հաղորդագրության մեջ:
