22.04.2026 | 23:30
ՀՀ տարածքում ավտոճանապարհները հիմնականում անցանելի են
Երկրաշարժի հետևանքով բնակարան կորցրած 44 շահառու ընտանիքի կիսակառույց տները ավարտին կհասցվեն
Հասարակություն
12.12.2018 | 22:25
«Երկրաշարժի հետևանքով անօթևան մնացած ընտանիքների բնակապահովման ծրագրի» շահառու հանդիսացող մարզի գյուղական համայնքների թվով 44 ընտանիքի բարձր պատրաստականության կիսակառույց տների շինարարությունը կմեկնարկի 2019թ. մարտի 10-ին և կավարտվի նույն տարվա նոյեմբերի 25-ին. այսօր այս մասին ծրագրի շահառու ունեցող 13 համայնքների ղեկավարներին հայտնեց մարզպետ Անդրեյ Ղուկասյանը:
Հանդիպմանը մասնակցում էր նաև մարզպետի խորհրդական Լևոն Ասլանյանը, ով ի սկզբանե զբաղվում է այս ծրագրի համակարգմամբ Լոռու մարզում՝ հանդիսանալով ՀՀ քաղաքաշինության կոմիտեի նախագահին առընթեր գործող «Աղետի գոտու բնակավայրերում երկրաշարժի հետևանքով անօթևան մնացած ընտանիքների բնակապահովման ծրագրի շրջանակներում կառուցված բնակելի տների բաշխման» հանձնաժողովի անդամ: Լ. Ասլանյանը ներկաներին տեղեկացրեց, որ ՀՀ կառավարության 2018թ. նոյեմբերի 22-ի, թիվ 1339-Ն որոշման համաձայն 2018թ. պետական բյուջեով նախատեսված է 458 մլն դրամ հատկացնել մարզի գյուղական համայնքներում բարձր պատրասատականություն ունեցող թվով 44 բնակելի տների կիսակառույցները ավարտին հասցնելու համար: Համաձայն վերոնշյալ որոշման՝ Լոռու մարզպետը պետք է պայմանագիր կնքի «Ֆուլլեր տնաշինական կենտրոն» բարեգործական հասարակական կազմակերպության հետ, որը և կիրականացնի տների շինարարությունը:
Մարզպետը կարևորեց շինաշխատանքների որակի վերահսկողությունը՝ նշելով, որ դա, իր հանձնարարությամբ կիրականացնի մարզպետարանի քաղաքաշինության վարչությունը: Լևոն Ասլանյանը համայնքների ղեկավարներին նախազգուշացրեց տները կառուցելուց հետո ավարտական ակտերը տրամադրելու գործընթացը կազմակերպել միայն մարզպետարանի քաղաքաշինության վարչության, շինկազմակերպության ներկայացուցչի և շահառու ընտանիքի մասնակցությամբ:
Լոռու մարզպետարան
