04.09.2026 | 15:51
Մարալ Արթինը կխաղա Սաուդյան Արաբիայում
Արցախի հարցում խորհրդարան անցած 3 ուժերի դիրքորոշումն ինձ ամբողջությամբ չի բավարարում․ Թևան Պողոսյան․ ՏԵՍԱՆՅՈՒԹ
Քաղաքականություն
12.12.2018 | 15:43
«Մարդկային զարգացման միջազգային կենտրոն» ՀԿ-ի նախագահ Թևան Պողոսյանի համոզմամբ՝ 2018 թվականի արտահերթ ընտրությունների ամեկարևոր ձեռքբերումն այն է, որ դրանցում արտահայտվել է ժողովրդի իրական կամքը, իսկ այն երեք ուժերը, որոնք հասել են Ազգային ժողով, պետք է լծվեն աշխատանքի և իրականացնեն իրենց խոստումները։
«Խոստումներ են տվել, որ պատրաստվում են իրենց ծրագրերը կյանքի կոչել, հետևաբար դա այժմ պետք է կատարեն ավելի արդար և թափանցիկ։ Հույս ունեմ, որ իրենք կկարողանան ներկայացնել թափանցիկ հաշվետվություն, թե ինչ են անում և ինչու։ Վստահ եմ, որ հանրությունը, որը վստահել է այս կամ այն ուժին, խաղի կանոն է փոխել, և եկել է նոր ժամանակահատված, երբ քաղաքացին պահանջատեր պետք է լինի։ Քաղաքացին պահանջելու է, որ այն քվեն, որը տվել է՝ արդարացվի, իսկ քաղաքական գործիչներն էլ պետք է գիտակցեն, որ չեն կարող ինչ ուզեն անեն, քանի որ կա քվեն տված պահանջատեր քաղաքացի»,- այսօր հրավիրված մամուլի ասուլիսի ժամանակ ասաց Թևան Պողոսյանը։
Վերջինս նշեց, որ նախքան նոր ձևավորվող խորհրդարանին գնահատական տալը, շատ կարևոր է հասկանալ մի բան՝ արդյոք նորընտիր պատգամավորները պատրա՞ստ է լինելու սովորելու, թե՞ ասելու են, որ իրենք ամեն ինչ գիտեն։ «Այնպես որ, խորհրդարանի կայացման մասին ես կնախընտրեի խոսել մեկ տարի հետո»,- նկատեց Թևան Պողոսյանը։
Անդրադառնալով խորհրդարան անցած երեք քաղաքական ուժերի՝ Արցախի հարցի վերաբերյալ ունեցած դիրքրորոշմանը՝ «Մարդկային զարգացման միջազգային կենտրոն» ՀԿ -ի նախագահը նշեց, որ այդ երեք ուժերից և ոչ մեկի դիրքորոշումն իրեն ամբողջությամբ չի բավարարում։
Մանրամասները՝ տեսանյութում։
