08.12.2025 | 23:30
Իլոն Մասկը կոչ է անում «վերացնել» ԵՄ-ն. Եվրահանձնաժողովին արգելվել է X-ում գովազդներ տեղադրել՝ 120 միլիոն եվրո տուգանքից հետո
«Սասնա ծռերի» խոշտանգումների մասին պետք է հաղորդում ներկայացներ դատավորը. Փոստանջյան
Քաղաքականություն
27.07.2017 | 15:26
«Պետք է միանշանակ փաստենք, որ իշխանությունն ինքն է խրախուսում բռնությունը»։ Այս մասին Երևանի քաղաքապետարանում հրավիրված ասուլիսի ժամանակ պատասխանելով «Սասնա ծռերի» դատավարության վերաբերյալ Factor.am-ի հարցին` ասաց Երևանի ավագանու «Երկիր Ծիրանի» խմբակցության ղեկավար Զարուհի Փոստանջյանը:
Հիշեցնենք, որ ըստ փաստաբանների ահազանգերի՝ իրենց պաշտպանյալները հենց դատարանի շենքում բռնության են ենթարկվել։ «Խոշտանգումն այնպիսի գործողություն է, որը որևէ անձի նկատմամբ չի կարող տեղի ունենալ, մարդը պետք է զերծ լինի խոշտանգումից, որը բացարձակ իրավունք է, եթե այլ իրավունքների դեպքում կարող է որևէ կերպ սահմանափակում լինել, այս իրավունքը երբևէ ոչ մի պարագայում չի կարող սահմանափակվել: Իսկ այդ հայտարարությունը պետք է մանրամասն ուսումնասիրվեր և քննվեր իրավապահ մարմինների կողմից։ Նաև այդ մասին պարտավոր էր հաղորդում ներկայացնել հենց այն դատավորը, ում վարույթում գտնվում է այդ գործը, մինչդեռ նման բան չենք արձանագրել»,- ասաց Փոստանջյանը։
Ընդդիմադիր գործչի գնահատմամբ՝ «ապօրինի իշխանությունն է կանգնած բռնությունների թիկունքում»։
Առավել մանրամասն՝ տեսանյութում։
Սեդա Ղուկասյան
