18.12.2025 | 23:09
Գիտությունն ավելի հաճախ պետք է կապվի արդյունաբերության հետ, որպեսզի արդյունավետությունը հնարավոր լինի չափել. Հակոբ Արշակյան
ՔՊ-ի ներսում է ձևավորվելու ընդդիմությունը, որը կլինի դրական, բացասական և նույնիսկ՝ քրեական․ Հրանուշ Խառատյան․ ՏԵՍԱՆՅՈՒԹ
Քաղաքականություն
11.12.2018 | 12:01
Ազգագրագետ Հրանուշ Խառատյանը վստահեցնում է՝ առաջիկա 6-7 ամսվա ընթացքում հենց ՔՊ-ի ներսում է ձևավորվելու ընդդիմություն՝ դրական, բացասական և նույնիսկ՝ քրեական։ Այս մասին այսօր հրավիրված մամուլի ասուլիսի ժամանակ, ի պատասխան հարցի՝ ու՞մ է տեսնում նոր խորհրդարանում որպես ընդդիմություն, ասաց ազգագրագետը։
«Ես այս պահին էլ արդեն տեսնում եմ որոշ անձների»,- նշեց նա՝ հավելելով, որ ԼՀԿ-ն ու ԲՀԿ-ն կարող են դառնալ շատ ավելի պրո ՔՊ-ական, քան ՔՊ-ի ներսում որոշ մարդիկ։
Հարցի վերաբերյալ ասուլիսին ներկա քաղտեխնոլոգ Կարեն Քոչարյանն էլ նկատեց, որ առաջիկայում ՔՊ-ի ներսում որոշ պաշտոնների նշանակման հետ կապված կլինեն խանդի տեսարաններ, ինչը նորմալ է։
«Սակայն հենց այդ խանդի տեսարաններից է սկսվում ամեն ինչ, և, ինչպես վաղուց եմ ասել, իրական խորհրդարանական ընդդիմությունը ծնվելու է հենց ՔՊ-ի ներսից։ Իսկ ինչ վերաբերում է արտախորհրդարանական ուժերին, ապա, բնականաբար , ՀՅԴ-ն օդ չի ցնդի, ՀՀԿ-ն արդեն հայտարարել է, որ լինելու է արտախորհրդարանական ընդդիմություն, սրան գումարած կան նաև «Սասնա Ծռեր» կուսակցությունը»,- ասաց քաղտեխնոլոգը։
Մանրամասները՝ տեսանյութում։
