Հայտնի է ֆուտբոլի Հայաստանի չեմպիոն «Արարատ-Արմենիայի» մեկնարկային կազմը նիդերլանդական «ԱԶ Ալկմարի» դեմ Եվրոպա լիգայի երրորդ տուրի խաղում:
«Արարատ-Արմենիա»․ Ժոաո Բրավիմ, Հուգո Օլիվեյրա, Բրունո Վիլսոն, Ալեքսանդրոս Մալիս, Էդգար Գրիգորյան, Արմեն Համբարձումյան, Խուան Բալանտա, Մաքսենս Կարլիե, Ժիրայր Շաղոյան, Արթուր Սերոբյան, Սանդրո Լիմա։
«Արարատ-Արմենիա» – «ԱԶ Ալկմար» հանդիպումը կկայանա Վազգեն Սարգսյանի անվան «Հանրապետական» մարզադաշտում ու կմեկնարկի ժամը 20:45-ին:
Նախորդ երկու տուրերում երևանյան ակումբը պարտվել է չեխական «Սպարտա Պրահային» (1:4) ու լեհական «Յագելոնիային» (1:3): Եվրոպա լիգայի հիմնական փուլում «Արարատ-Արմենիան» մրցելու է նաև պորտուգալական «Տորենսեի» (նոյեմբերի 5), ավստրիական «Զալցբուրգի» (նոյեմբերի 26), նիդերլանդական «ՆԵԿ Նեյմեգենի» (դեկտեմբերի 10), սլովենական «Ցելյեի» (հունվարի 21) ու իտալական «Միլանի» (հունվարի 28) հետ:
Դավիթ Եղիազարյան
