28.09.2026 | 17:34
Ռուսական ԱԹՍ-ն հարվածել է Կիևում Ուկրաինայի Գիտությունների ազգային ակադեմիայի շենքին․ ՏԵՍԱՆՅՈՒԹ
Զոհրաբ Մնացականյանն ընդունել է միջազգային դիտորդական առաքելությունների ներկայացուցիչներին
Քաղաքականություն
10.12.2018 | 21:36
Դեկտեմբերի 10-ին ՀՀ ԱԳ նախարարի պաշտոնակատար Զոհրաբ Մնացականյանն ընդունեց խորհրդարանական ընտրություններին դիտորդական առաքելություն իրականացնելու նպատակով Հայաստան այցելած մի շարք պատվիրակությունների ներկայացուցիչների:
Զոհրաբ Մնացականյանը և դիտորդական առաքելությունների ներկայացուցիչները գոհունակությամբ նշեցին, որ խորհրդարանական ընտրություններն այս տարի աչքի ընկան ընտրական գործընթացի կազմակերպման և անցկացման առավել բարձր մակարդակով։
Հայաստանի արտաքին քաղաքական գերատեսչության ղեկավարն ընդգծեց, որ կայացած ժողովրդավարության, օրենքի գերակայության և մարդու իրավունքների պաշտպանության ուղղությամբ գործադրվող ջանքերը մեծապես նպաստում են քաղաքացիական հասարակության կայացմանը և ամուր հիմք են հանդիսանում երկրի անվտանգությունը երաշխավորելու առումով։ Հայաստանի ԱԳՆ ղեկավարը շեշտեց, որ ընտրությունների արդյունքները վերահաստատեցին ժողովրդի կողմից տրված լայն մանդատը և վստահությունը գործող կառավարության հանդեպ, որը չափազանց ոգևորիչ և պարտավորեցնող է։ Այս համատեքստում զրուցակիցները բարձր գնահատեցին նաև կանանց մասնակցությունը և դերակատարությունն ընտրական գործընթացում։
Զրուցակիցները կարևորեցին ընտրական գործընթացների կատարելագործման ուղղությամբ հետագա փոխգործակցությունը։
