02.07.2026 | 21:25
Հավանաբար գործ է ունեցել, բացառում եմ, որ նեղացել է. Խաչատրյանը` Հովհաննիսյանի հեռանալու մասին. ՏԵՍԱՆՅՈՒԹ
Գերմանական Volkswagen ավտոմոբիլային կոնցեռնը մասնաճյուղ կհիմնի Թուրքիայում
Տնտեսություն
10.12.2018 | 19:15
Գերմանական «Volkswagen» ավտոմոբիլային կոնցեռնը ֆաբրիկա կհիմնի Թուրքիայում. փոխանցում է ermenihaber-ը:
Նշվում է, որ գերմանական ընկերությունը որոշումն ընդունել է Թուրքիայի առաջարկով գրեթե 10 տարի ընթացող բանակցությունների արդյունքում: Նախատեսվում է, որ գործարանի կառուցմամբ շուրջ 5 հազար աշխատատեղ կստեղծվի: Գործարանն արտադրությունը կսկսի 2022-ին և սկզբի համար այնտեղ կկազմակերպի կոնցեռնի կազմի մեջ մտնող 2 ապրանքանիշների (Skoda Karoq և Seat Ateca) մոդելներից 2-ի արտադրությունը:
Հաղորդվում է, որ մոդելներից մի քանիսի արտադրությունը Թուրքիայում կազմակերպելով՝ «Volkswagen»-ը նպատակ ունի Գերմանիայում գտնվող իր գործարանների մի մասն օգտագործել նոր՝ էլեկտրական շարժիչներով մեքենաների արտադրություն կազմակերպելու համար:
Նշվում է, որ որոշ մոդելների արտադրությունը Գերմանիայից դուրս կազմակերպելու նպատակով «Volkswagen»-ը Թուրքիայից բացի բանակցել է նաև Բուլղարիայի հետ, սակայն վերջին շրջանում թուրք-գերմանական լարված հարաբերությունների բարելավմանը միտման ֆոնին որոշումը կայացվել է հօգուտ Թուրքիայի:
