21.01.2026 | 18:23
Փաշինյանին միացած եպիսկոպոսները չեն մասնակցի Եպիսկոպոսաց ժողովին // Պուտինը կընդունի Թրամփի բանագնացին․ ԼՈՒՐԵՐ
Օսլոյում հանձնել են Խաղաղության Նոբելյան մրցանակը
Քաղաքականություն
10.12.2018 | 19:47
Օսլոյում հանձնել են 2018 թվականի Խաղաղության Նոբելյան մրցանակի դիպլոմներն ու մեդալները, որին այս տարի արժանացել են Կոնգոյի Դեմոկրատական հանրապետությունից բժիշկ Դենիս Մուկվեգեն և Իրաքից Նադյա Մուրադը: Այս մասին գրում է ՌԻԱ Նովոստին:
Նորվեգական նոբելյան կոմիտեն մրցանակակիրների անունները հայտնել էր հոկտեմբերին: Այս տարի մրցանակը շնորհել են սեռական բռնությունը որպես պատերազմի և զինված հակամարտությունների զենք օգտագործելը դադարեցնելուն ուղղված ջանքերի համար: Մրցանակային գումարը 9 մլն շվեդական կրոն է (շուրջ մեկ միլիոն ԱՄՆ դոլար):
«Մրցանակակիրների ընդհանուր պայքարը կարող է ամբողջացնել երեք պարզ հայտարարություններով: Բռնաբարությունն ու սեռական բռնության ցանկացած ձևն անընդունելի զենք է ցանկացած պատերազմում: Պատերազմում կամ հակամարտությունում կանոնավոր բռնաբարությունները որպես ռազմական մարտավարության մաս դարձնելը ռազմական հանցագործություն է: Ռազմական հանցագործությունների համար պատասխանատուները պետք է պատժվեն, իսկ անպատժելիությունը պետք է դադարեցվի: Խաղաղության մրցանակի երկու մրցանակակիրներն էլ կիսում են այս հայացքները: Արդարության համար պայքարը միավորում է նրանց՝ չնայած ունեցած բացարձակ տարբեր փորձին»,- ներկայացնելով մրցանակակիրներին՝ ասել է Նորվեգական նոբելյան կոմիտեի նախագահ Բերիթ Ռեիս-Անդերսենը:
Նշենք, որ Խաղաղության Նոբելյան մրցանական ամեն տարի շնորհվում է դեկտեմբերի 10-ին՝ Ալֆրեդ Նոբելի մահվան օրը:
Նոբելյան օրը սկսվում է Օսլոյում և շարունակվում Ստոքհոլմում, որտեղ տեղի է ունենում Նոբելի հիշատակին ստեղծված մյուս մրցանակների հանձնման արարողությունը:
