«Ազատությունից զրկված անձինք պետք է զգան, որ պետությունն արդարամիտ է, ներողամիտ և մարդասեր»․ Ծովինար Թադևոսյան

Լուրեր

16.11.2026 | 23:32
Սևանի մակարդակը մեկ շաբաթում իջել է 1 սմ-ով․ տարեսկզբի համեմատ աճը 31 սմ է
16.11.2026 | 23:22
Լուսինե Բեկչյանն ազատվել է ԱԺ նախագահի օգնականի պաշտոնից
16.11.2026 | 23:01
Նոր Ջեյմս Բոնդը կլինի Ռոբերտ Պատինսոնը
16.11.2026 | 22:44
Երևանի Ֆուչիկի փողոցն առաջարկվում է անվանափոխել կոմպոզիտոր Վլադիլեն Բալյանի անունով
16.11.2026 | 22:26
Ձմեռային անվադողերի պարտադիր պահանջը խախտել է 400 վարորդ, որից 63-ը՝ Երևանում
16.11.2026 | 22:10
Բայրամովը Մեծ Բրիտանիայի պետքարտուղարի հետ քննարկել է Հայաստանի հետ կարգավորման գործընթացը
16.11.2026 | 21:59
Իրաքն ու Հորդանանն անվտանգության մտահոգությունների պատճառով արգելափակում են Telegram-ը
16.11.2026 | 21:47
Բորիս Նեմցովի սպանության համար դատապարտվածները գաղտնի ազատ են արձակվել և ապրում են Չեչնիայում․ «Проект»
16.11.2026 | 21:32
Օտարերկրյա միջամտություններ և հիբրիդային սպառնալիքներ․ Միրզոյանի ելույթը Բրյուսելում
16.11.2026 | 21:15
Դատավորը մեղադրյալի աթոռին. ինչո՞ւ Մասիս Մելքոնյանը զրկվեց անձեռնմխելիությունից․ ՏԵՍԱՆՅՈւԹ
16.11.2026 | 21:00
ԹԵԺ ԲԱՆԱՎԵՃ․ «Քաղաքացիական պայմանագիր», «Ուժեղ Հայաստան», «Հայաստան»․ պիտի փոխվի՞ Սահմանադրությունը. ՏԵՍԱՆՅՈւԹ
16.11.2026 | 20:49
Բազմաբնակարան բնակելի համալիրի կառուցման թույլտվություն կտրվի․ նախագիծը Երևանի ավագանին կքվեարկի չզեկուցվող հարցերի փաթեթում
16.11.2026 | 20:27
38 երկիր նախազգուշացրել է այս ձմռանն Ուկրաինայում միջուկային վթարի վտանգի մասին
16.11.2026 | 20:13
ԵՄ նոր պատժամիջոցների ցանկում են ՌԴ խոշորագույն նավթավերամշակման գործարանները, «ЮMoney»-ն, ավելի քան 40 բանկեր, Մատվիենկոյի որդին
16.11.2026 | 20:00
Դիտեք ԱԺ-ի և Հ1-ի ծեծկռտուքներն ու պարզ կլինի՝ ինչու է պետք միլիոնավոր դոլարներ ծախսել կրթության վրա․ Արմեն Մարտիրոսյան. ՏԵՍԱՆՅՈՒԹ
Բոլորը

Քրեակատարողական ծառայության պետ Ծովինար Թադևոսյանը շնորհավորական ուղերձ է հղել Քրեակատարողական ծառայողի օրվա և ծառայության կազմավորման 107-ամյակի առթիվ։ Նա ընդգծել է ազատությունից զրկված անձանց նկատմամբ արժանապատիվ և մարդասիրական վերաբերմունքի կարևորությունը՝ նշելով, որ միայն այդ մոտեցմամբ է հնարավոր նպաստել հանցավոր ուղուց նրանց հրաժարվելուն։ Թադևոսյանն անդրադարձել է նաև համակարգում առկա խնդիրներին և եվրոպական չափորոշիչներին համապատասխան բարեփոխումների իրականացման անհրաժեշտությանը։

Քրեակատարողական ծառայության պետի շնորհավորական ուղերձը՝ ստորև․

«Հարգելի՛ գործընկերներ,

Շնորհավորում եմ բոլորիս Քրեակատարողական ծառայողի օրվա և Քրեակատարողական ծառայության կազմավորման 107-ամյակի առթիվ։

Քրեակատարողական ծառայության ամենօրյա աշխատանքի հիմքում պատասխանատվությունն է պետության, հասարակության և յուրաքանչյուր մարդու նկատմամբ։ Մեր աշխատանքում պետականամետությունը դրսևորվում է ոչ միայն օրենքի և ծառայողական պարտականությունների հետևողական պահպանմամբ, այլև պետության շահի գիտակցմամբ և պետական ինստիտուտների նկատմամբ վստահության ամրապնդմամբ։

Ազատությունից զրկված անձինք առավել շատ ունեն կարիք զգալու և հասկանալու, որ պետությունն արդարամիտ է, ներողամիտ և մարդասեր։ Եվ հենց այդ մոտեցմամբ է միայն հնարավոր ակնկալել, որ պետության և հասարակության օրենքներն ու արժեքները խախտած անձը, հանդիպելով իր հանդեպ արժանապատիվ մոտեցման, հետ կկանգնի հանցավոր ուղուց և հարգալից վերաբերմունք կդրսևորի պետության, հասարակության և անհատների հանդեպ։

Այս աշխատանքը հեշտ չէ։ Այն պահանջում է մասնագիտական պատրաստվածություն, տոկունություն, համբերություն և ամենակարևորը՝ նվիրվածություն։ Ձեր ամենօրյա աշխատանքը՝ հաճախ անտեսանելի, նպաստում է ոչ միայն քրեակատարողական համակարգի բնականոն գործունեությանը, այլև դրա շարունակական զարգացմանն ու կատարելագործմանը, որի համար հայտնում եմ իմ խորին շնորհակալությունը և անսահման երախտիքը։

Արձանագրելով հաջողությունները և ձեռքբերումները՝ մենք շարունակում ենք վեր հանել առկա խնդիրներն ու բացթողումները, մեր ջանքերն ուղղում դրանց լուծման ուղղությամբ, զարգացած երկրների լավագույն  փորձը հաշվի առնելով՝ եվրոպական չափորոշիչներին համապատասխան արդի և նորարարական լուծումներ ենք կիրառում։

Այսօր առանձնահատուկ երախտագիտությամբ ուզում եմ հիշել նաև մեր նախկին ծառայակիցներին, որոնք իրենց մասնագիտական գիտելիքով, փորձով և տարիների նվիրումով ներդրում են ունեցել Քրեակատարողական ծառայության կայացման և զարգացման գործում։ Ձեր անցած ճանապարհը մեր ընդհանուր պատմության կարևոր մասն է։

Շնորհավորում եմ բոլորիդ այս խորհրդանշական օրվա առթիվ։

Մաղթում եմ առողջություն, ուժ, արժանապատիվ ծառայություն, մասնագիտական հաջողություններ և նոր ձեռքբերումներ։ Թող յուրաքանչյուրիդ աշխատանքը նպաստի պատասխանատու և մարդակենտրոն պետական համակարգի ձևավորմանն ու զարգացմանը։

Շնորհավո՛ր Քրեակատարողական ծառայողի օրը»։