Քաղաքականություն
10.12.2018 | 01:29«Իմ քայլը» դաշինքից պատգամավորի թեկնածու Հովհաննես Իգիթյանն ասում է՝ կարծում էր, որ բոլոր քաղաքական ուժերը, այդ թվում՝ Հանրապետականը, կարող էին հավաքվել և անել այն, ինչ «մենք կոչում ենք ազգային համաձայնություն, միասնություն»: Բայց, ըստ Իգիթյանի, Հանրապետականը հակասեց ինքն իրեն. «Մի կողմից նրանք ասում են՝ փորձ ունենք, մենք Հայաստանի համար այդքան բան ենք արել: Բայց այդ փորձը կիրառելու համար լավագույնը կլիներ, եթե լիներ ազգային համաձայնության կառավարություն և համաձայնության դաշինք: Բայց նրանք նախընտրեցին մերժողական, սևացնելու քաղաքականությունը»:
Իգիթյանը կարծում է նաև, որ որևէ տարբերություն չի լինելու՝ ՀՀԿ-ն կլինի՞ Ազգային ժողովում, թե՞ ոչ, դա խորհրդարանի որակի վրա չի ազդի:
«Նրանք ցույց են տվել, որ գալիս են պառլամենտ՝ փչացնելու ամեն ինչ: Նրանք դիտորդներին արդեն ներկայացնում են, որ մեր ընտրությունները եղել են ոչ լեգիտիմ, և ապագա՝ դեռևս չընտրված կառավարությունը և վարչապետը դավադիր, դավաճան և ոչ լեգիտիմ են»,- հավելեց Հովհաննես Իգիթյանը:
Մանրամասները՝ տեսանյութում
