14.12.2024 | 18:16
ՆԳ նախարարը Ոստիկանության անձնակազմի հետ օպերատիվ խորհրդակցություն է անցկացրել
Հայաստանում վերջին ամիսներին զբոսաշրջիկների շեշտակի աճ է գրանցվել. Կարեն Կարապետյան
Տնտեսություն
27.07.2017 | 12:36
ՀՀ վարչապետ Կարեն Կարապետյանն այսօր մինչ օրակարգային հարցերին անցնելը հայտարարեց, որ վերջին ամիսներին Հայաստանում զբոսաշրջիկների և ավիափոխադրումների շեշտակի աճ է գրանցվել: Վարչապետն ընդգծեց՝ չնայած դրական արդյունքներին, զբոսաշրջության ոլորտում առկա է լրացուցիչ խրախուսող և խթանող համալիր միջոցառումների անհրաժեշտություն:
«Հանձնարարում եմ մեկամսյա ժամկետում արտաքին գործերի նախարարին և Զբոսաշրջության պետական կոմիտեի նախագահին ըստ երկրների ուսումնասիրել Հայաստան ժամանող անձանց համար վիզային ռեժիմի լրացուցիչ ազատականացման կամ պարզեցման հնարավորությունը և կառավարության աշխատակազմ ներկայացնել առաջարկություններ»,- նշեց Կարեն Կարապետյանը:
Կառավարության ղեկավարը նաև Քաղաքացիական ավիացիայի վարչության պետին հանձնարարեց մշակել և Կառավարության աշխատակազմ ներկայացնել ըստ զբոսաշրջության զարգացման միտումների Հայաստանի ավիափոխադրումների շուկայի ծավալի, ավիատոմսերի գնային առաջարկների բարելավմանն ուղղված համալիր առաջարկություններ։
Շողիկ Գալստյան
