28.04.2026 | 21:14
ՔՊ-ն ԱԺ պետաիրավական հարցերի մշտական հանձնաժողովի նախագահի թեկնածու է առաջադրել
Վստահություն ունեցող իշխանությունը կգնա՞ իր լիազորությունների կրճատմանը՝ կասկածում եմ․ Ավետիք Իշխանյան. ՏԵՍԱՆՅՈՒԹ
Քաղաքականություն
09.12.2018 | 20:07
Factor.am-ի հարցազրույցը Հայաստանի Հելսինկյան կոմիտեի նախագահ Ավետիք Իշխանյանի հետ:
– Ձեր կազմակերպությունը նաև դիտորդական առաքելություն է իրականացնում: Այս պահի դրությամբ ի՞նչ խախտումներ եք հայտնաբերել:
– Անկեղծ ասած՝ լուրջ, պարբերական խախտումներ, կոպիտ խախտումներ, մեծ հաշվով, չենք նկատել: Տեխնիկական բնույթի թերություններ կան, և որոշակի խախտումներ նկատել ենք, ասենք՝ առանձին տեղամասերում ընտրողներին ուղղորդելու դեպքեր: Այս անգամ Երևանից դուրս ենք դիտարկում իրականացնում: Բավականին, լավ իմաստով ասեմ, ձանձրալի ընտրություններ են:
– Պարոն Իշխանյան, ԿԸՀ-ն արդեն հրապարակել է վերջին տվյալները: Ժամը 17:00-ի տվյալներով՝ 39 տոկոս, մոտ 10 տոկոսով պակաս, քան նախորդ ընտրություններում՝ նորից 17:00-ի դրությամբ: Ինչո՞վ եք բացատրում ընտրողների պասիվությունը:
– Կարող եմ միայն ենթադրություն անել: Ենթադրություններից մեկը կարող է լինել այն, որ եթե անցած տարվա ընտրությունների ժամանակ տարբեր կուսակցություններ իրենց ռեսուրսներն օգտագործելով՝ հստակ ունեին ընտրողների ցուցակներն ու նրանց ուղղորդում էին դեպի ընտրատարածքներ, ապա այսօր դա չկա: Երկրորդը, երևի շատերը մտածում են, որ ընտրությունների արդյունքները կանխորոշված են, և ի՞նչ իմաստ ունի իրենց մասնակցությունը:
Հարցազրույցի մանրամասները՝ տեսանյութում
Մհեր Արշակյան
