09.08.2026 | 00:05
Էդգար Սևիկյանը խաղացել է Մադրիդի «Ռեալի» դեմ. ՏԵՍԱՆՅՈՒԹ
Նիկոլ Փաշինյանն էլ պետք է քայլ անի և գնա հարցաքննության․ Դատախազությունը ծանուցագիր պետք է ուղարկի նրան․ Դ․ Շահնազարյան․ ՏԵՍԱՆՅՈՒԹ
Քաղաքականություն
09.12.2018 | 17:19
«Հանրապետական» կուսակցության պատգամավորի թեկնածու Դավիթ Շահնազարյանն այսօր լրագրողներին հիշեցրեց, որ երբ առաջին անգամ հրապարակվեց գաղտնալսված հեռախոսային խոսակցությունը, Դատախազությունը քրեական գործ հարուցեց և թե՛ ԱԱԾ տնօրենը, թե՛ ՀՔԾ պետը հրավիրվեցին հարցաքննության։
«Երկրորդ գաղտնալսումից հետո Փաշինյանին պետք է Դատախազությունը ծանուցագիր ուղարկի, Նիկոլ Փաշինյանն էլ պետք է քայլ անի և գնա հարցաքննության։ Նա կամաց-կամաց պետք է սովորի ցուցմունք տալուն»,- ասաց Դավիթ Շահնազարյանը։
Հարցին՝ չունի՞ մտավախություն, որ իրեն կհրավիրեն հարցաքննության, Շահնազարյանն ասաց, որ երբ հրավիրեն կգնա, դրա դեմ որևէ բան չունի, սակայն մինչ այդ երկու խնդրանք ունի Արթուր Վանեցյանին։
«Պարո՛ն Վանեցյան, զանգահարեք ես ինքս կգամ, տղաներին պետք չէ անհարմար վիճակում դնել: Երկրորդ անկեղծ խնդրանքս հետևյալն է՝ գիտեմ, որ իմ ասուլիսը սղագրել և դրել եք վարչապետի առաջ, պատրաստվում եմ այդ տեքստը հրապարակել մի քանի լեզուներով, խնդրում եմ՝ այդ տեքստն ինձ ուղարկեք»,-ասաց պատգամավորի թեկնածուն։
Անդրադառնալով արտահերթ ընտրություններին՝ Շահնազարյանն ահազանգեց, որ այսօր առավոտյան հայտնաբերել է, որ իր տան վրա գրանցված է օտար մարդ, և դա կատարվել է Վալերի Օսիպյանի ձեռամբ։
Մանրամասները՝ տեսանյութում։
