Քաղաքականություն
09.12.2018 | 14:59Factor.am-ի հարցազրույցը գրող, սցենարիստ Վահրամ Մարտիրոսյանի հետ:
-Ի՞նչ ակնկալիքներ ունեք այս ընտրություններից և վաղն ի՞նչ Հայաստան եք սպասում։
– Սպասում եմ այն Հայաստանի շարունակությանը, որն արդեն կա մայիսից սկսած: Այդ Հայաստանը ես կոչում եմ հնարավորությունների Հայաստան: Այդ Հայաստանը երազելի մի բան է մեզ համար, հետևաբար՝ համոզված եմ, որ այն կշարունակի իր գոյությունը և այն մանր-մունր բաները, որոնք շեղում էին ընթացքը, կվերանան: Ես սպասում եմ այնպիսի խորհրդարան, որտեղ կլինեն ստեղծարար, ազնիվ, արհեստավարժ ու կոռուպցիայով չարատավորված մարդիկ, որոնք, իրար երեսով տալու փոխարեն, կփորձեն երկրի հազարավոր խնդիրներին լուծումներ տալ:
– Պարոն Մարտիրոսյան, նոր իշխանություններից ի՞նչ ակնկալիքներ ունեք մշակույթի ոլորտում, և արդյո՞ք քաղաքական ուժերի ծրագրերում տեսել եք այնպիսի կետեր, որոնք քաղաքական հեղափոխությունը նաև մշակույթի ոլորտ կտեղափոխեն:
– Եթե մշակութային հեղափոխություն չլինի, այս հեղափոխությունը կպարտվի, ինչպես նախկինում շատ շարժումներ: Մենք ուզում ենք, որ մեր պետությունը լինի ազատ, չկոռումպացված, իսկ դա ենթադրում է նաև կապ ժամանակակից մշակույթի հետ: Հույս ունեմ, որ նոր սերնդի մեջ շատ են մարդիկ, ովքեր իրազեկ են մշակույթից: Այս ընթացքում բոլորս զբաղված ենք եղել մի խումբ մարդկանց ատելով և մոռացել ենք հարստացնել մեր մշակույթը։ Իսկ հայկական մշակույթ մեջ կան արժեքներ, որոնց մարդիկ պետք է ծանոթ լինեն՝ զարգացած լինելու համար:
Հարցազրույցի մանրամասները՝ տեսանյութում
Արմինե Ավետյան
