28.09.2026 | 15:10
Հ1-ը ներողություն է խնդրել // Հունգարիայի վարչապետին զրկել են անձեռնմխելիությունից․ ԼՈՒՐԵՐ
Թրամփը կրկին Ուկրաինային կոչ է արել նվազեցնել ՌԴ-ի նավթավերամշակման գործարաններին հարվածները
Քաղաքականություն
28.09.2026 | 14:23
ԱՄՆ նախագահ Դոնալդ Թրամփը հայտարարել է, որ Ուկրաինայի նախագահ Վլադիմիր Զելենսկիին կոչ է արել նվազեցնել Ռուսաստանի նավթավերամշակման գործարաններին հասցվող հարվածները, փոխանցում է Meduza-ն։
«Դուք պետք է թուլացնեք տեմպերը նավթավերամշակման գործարանների հետ կապված»,- Զելենսկիին ասել է Թրամփը։
ԱՄՆ նախագահի խոսքով՝ Ուկրաինայի ղեկավարը պատասխանել է. «Հնարավոր է՝ հենց այդպես էլ անենք»։
Սպիտակ տան ղեկավարն աշխարհում դիզելային վառելիքի գների աճը կապում է Ռուսաստանի և Ուկրաինայի միջև պատերազմի հետ։ Նախկինում նա կոչ էր արել Ուկրաինային դադարեցնել նավթավերամշակման գործարանների ուղղությամբ հարվածները։ Սեպտեմբերի 14-ին Թրամփը հայտարարել էր, որ Ուկրաինան և Ռուսաստանը փոխադարձաբար համաձայնության են եկել դադարեցնել էներգետիկ օբյեկտների վրա հարձակումները։
Սակայն ո՛չ Կիևը, ո՛չ էլ Մոսկվան էներգետիկ հրադադարի պատրաստակամություն չեն հայտնել։
Թարգմանությունը՝ Էմմա Չոբանյանի
