06.11.2026 | 13:13
Ռյուտեն հայտարարել է, որ ռուս-ուկրաինական պատերազմում հաղթողներ չեն լինելու
Ուկրաինան համաձայնել է անհապաղ և անվերապահ հրադադարի․ ՄԱԿ-ի անդամ 51 երկրներ կոչ են արել Ռուսաստանին նույնն անել
Քաղաքականություն
23.09.2026 | 19:41
ՄԱԿ-ի անդամ 51 երկրների համատեղ հայտարարությունում կոչ է արվում Ռուսաստանին համաձայնել ամբողջական, անհապաղ և անվերապահ հրադադարի։ Հայտարարության հեղինակները նաև պահանջում են ապահովել Ուկրաինայից կամայականորեն ձերբակալված, բռնի տեղահանված կամ արտաքսված խաղաղ բնակիչների, այդ թվում՝ երեխաների, վերադարձը․ գրում է nv.ua-ն։
Ուկրաինան համաձայնել է ամբողջական, անհապաղ և անվերապահ հրադադարի։
«Կոչ ենք անում Ռուսաստանին ապահովել Ուկրաինա կամայականորեն ձերբակալված, բռնի տեղահանված կամ արտաքսված բոլոր ուկրաինացի խաղաղ բնակիչների, մասնավորապես՝ երեխաների, անհապաղ, անվտանգ և անվերապահ վերադարձը»,- ասվում է հայտարարությունում։
Հիշեցնենք, որ ՄԱԿ-ի Գլխավոր ասամբլեան 2026 թվականի փետրվարի 24-ին ընդունած «Աջակցություն Ուկրաինայում կայուն խաղաղությանը» բանաձևով կոչ է արել Ռուսաստանի և Ուկրաինայի միջև հաստատել անհապաղ, ամբողջական և անվերապահ հրադադար։ Նույն փաստաթղթում վերահաստատվել է նաև ապօրինի պահվող անձանց ազատ արձակման և բռնի տեղափոխված կամ արտաքսված խաղաղ բնակիչների, այդ թվում՝ երեխաների վերադարձի պահանջը։ Բանաձևն ընդունվել է 107 կողմ, 12 դեմ և 51 ձեռնպահ ձայներով։
ՄԱԿ-ի գլխավոր քարտուղար Անտոնիո Գուտերեշը ևս բազմիցս կոչ է արել անհապաղ, ամբողջական և անվերապահ հրադադարի՝ այն դիտարկելով որպես արդար, կայուն և համապարփակ խաղաղության հասնելու առաջին քայլ։
