Թրամփը ՄԱԿ-ի ամբիոնից խոսել է Փաշինյանից ու Ալիևից, անդրադարձել ՀՀ-ի ու Ադրբեջանի միջև խաղաղության գործընթացին․ՏԵՍԱՆՅՈՒԹ

Համաշխարհային  առաջնորդները հավաքվել են Նյու Յորքում՝ ՄԱԿ-ի Գլխավոր ասամբլեայի նիստին մասնակցելու համար։ ԱՄՆ նախագահ Դոնալդ Թրամփը ելույթ է ունեցել Գլխավոր ասամբլեայի առաջ։ Նա խոսել է իր խաղաղարար ջանքերի մասին, անդրադարձել Հայաստանի ու Ադրբեջանի միջև խաղաղության գործընթացին։

«Ադրբեջանի նախագահն ասաց՝«Նախագահ Թրամփը վեց ամսում հրաշք գործեց»։ Դա բացարձակ հրաշք էր, որի իրագործելիությանը ոչ ոք չէր հավատում։ Հայաստանի վարչապետն էլ ասաց, որ այս բեկումը պարզապես անհնար կլիներ առանց նախագահ Թրամփի անձնական ներգրավվածության և խաղաղության հաստատմանն ուղղված նրա վճռական հանձնառության»,- հայտարարել է ԱՄՆ նախագահը։

Թրամփը խոսել է նաև Իրանի հետ պատերազմի մասին և հայտարարել, որ երբեք թույլ չի տա, որպեսզի Թեհրանը միջուկային զենք ունենա։ Ըստ նրա՝ ինքը Թեհրանին բազմաթիվ հնարավորություններ է տվել հրաժարվելու իր միջուկային ծրագրից և դադարեցնելու տարածաշրջանում գործող զինված խմբավորումներին աջակցելը։

«Նրանք հրաժարվեցին, ինչը մեծ սխալ էր»,- ասել է Թրամփը։

«Կարծում եմ՝ ԱՄՆ-ում միջանկյալ ընտրություններից անմիջապես հետո մենք համաձայնության կգանք»,- հայտարարել է նա։  Թրամփի դիտարկմամբ՝ Թեհրանը սպասում է տեսնելու, թե ինչ արդյունքներ կգրանցի ԱՄՆ նախագահի Հանրապետական կուսակցությունը։

 Թրամփը սակայն նշել է, որ դա իրեն չի անհանգստացնում։

«Միակ բանը, որ իմ մտքում է  այն է, որ Իրանը միջուկային զենք չունենա»,-հայտարարել է նա։

Թարգմանությունը՝ Էմմա Չոբանյանի