21.09.2026 | 13:09
Հնդկաստանի ԱԳ նախարարը շնորհավորել է ՀՀ Անկախության օրվա առթիվ
Կադիրովը ռեկորդային՝ 99,85% արդյունքով հաղթել է Չեչնիայի ղեկավարի ընտրություններում
Քաղաքականություն
21.09.2026 | 12:22
Չեչնիայի ղեկավարի ընտրություններում Ռամզան Կադիրովը ստացել է ձայների 99,85 տոկոսը՝ արձանագրությունների 100 տոկոսի մշակումից հետո, վկայում են ԿԸՀ-ի տվյալները, փոխանցում է Meduza-ն։
2016 թվականին կայացած նախորդ ընտրություններում Կադիրովը, ըստ պաշտոնական տվյալների, ստացել էր ձայների 94,8 տոկոսը, իսկ 2021 թվականին՝ 99,7 տոկոսը։
2026 թվականին Չեչնիայի ղեկավարի ընտրություններին, Կադիրովից բացի, մասնակցել են Չեչնիայի Հանրային պալատի նախագահ Իսմայիլ Դենիլխանովը՝ «Արդար Ռուսաստան» կուսակցությունից, և Չեչնիայի խորհրդարանի պատգամավոր Խալիդ Նակայևը՝ Ռուսաստանի Կոմունիստական կուսակցությունից։ Նրանք ստացել են ձայների 0,05-ական տոկոս։
ՌԴ-ում տարածաշրջանների ղեկավարների ընտրություններ անցկացվել են ևս յոթ շրջաններում։ Այստեղ առաջատար են գործող ղեկավարները։
Մորդովիայում հաղթում է Արտյոմ Զդունովը՝ ստանալով ձայների 78,74 տոկոսը, Տուվայում՝ Վլադիսլավ Խովալիգը՝ 90,95 տոկոս, Բելգորոդի մարզում՝ Ալեքսանդր Շուվաևը՝ 65,97 տոկոս, Բրյանսկի մարզում՝ Եգոր Կովալչուկը՝ 68,03 տոկոս, Տվերի մարզում՝ Վիտալի Կորոլյովը՝ 69,8 տոկոս, Պենզայի մարզում՝ Օլեգ Մելնիչենկոն՝ 70,92 տոկոս, իսկ Ուլյանովսկի մարզում՝ Ալեքսեյ Ռուսսկիխը՝ 76,65 տոկոս։
Թարգմանությունը՝ Էմմա Չոբանյանի
