20.09.2026 | 15:28
Հայաստանի հավաքականը սկսել է հավաքը
Սեն-Պիեռ և Միքելոնը կմնա Ֆրանսիայի կազմում՝ չնայած Թրամփի հրապարակած քարտեզին․ Մակրոն
Քաղաքականություն
20.09.2026 | 14:46
Ֆրանսիայի նախագահ Էմանուել Մակրոնը հայտարարել է, որ Ատլանտյան օվկիանոսում գտնվող Սեն-Պիեռ և Միքելոն (ֆրանսերեն՝ Saint-Pierre-et-Miquelon) արշիպելագը կմնա Ֆրանսիայի տարածք՝ չնայած ԱՄՆ նախագահ Դոնալդ Թրամփի հրապարակած քարտեզին, որտեղ այն ներկայացված է որպես ամերիկյան տարածք։
«Մեզ համար ակնհայտ է, որ դա ֆրանսիական տարածք է… մենք հավատարիմ ենք դրան, այստեղ քննարկելու բան չկա»,- հայտարարել է Մակրոնը, որը սեպտեմբերի 19-21-ը այցով գտնվում է արշիպելագում։
Ավելի վաղ Թրամփը Truth Social սոցիալական ցանցում հրապարակել էր քարտեզ, որի վրա տասնյակ պետություններ ներկված էին ԱՄՆ դրոշի գույներով։ Դրանց թվում էին Կուբան, Կանադան, Մեքսիկան, Կարիբյան ավազանի երկրները, ինչպես նաև Ֆրանսիայի անդրծովյան տարածքները։
Միևնույն ժամանակ, BFMTV-ն նշում է, որ Սեն-Պիեռ և Միքելոն այցի ընթացքում Մակրոնը կարող է հայտարարություններ անել արշիպելագում ֆրանսիական ուժերի ներկայության վերաբերյալ։
Թարգմանությունը՝ Անահիտ Խաչատրյանի
