10.10.2026 | 21:37
Կանանց Հայաստանի հավաքականը ոչ-ոքի խաղաց Ինդոնեզիայի հետ
«Հայաստան այցս հետաձգվում է ֆիզիկական սպառնալիքի մասին նախազգուշացման պատճառով»․ ռուս ընդդիմադիր գործիչ
Քաղաքականություն
19.09.2026 | 20:00
Ռուս ընդդիմադիր գործիչ Իլյա Յաշինը հայտնել է, որ անվտանգության հետ կապված նախազգուշացում ստանալու պատճառով հետաձգում է Հայաստան նախատեսված այցը։
Նա նշել է, որ ներկայում գտնվում է ԱՄՆ-ում, որտեղ մասնակցել է «Վաշինգտոնյան երկխոսություն» միջոցառմանը։ Նրա ծրագրում եղել է ԱՄՆ-ից Երևան մեկնելը, մասնակցել Երևանում կազմակերպվող ակցիային և հանդիպել հակապատերազմական համայնքի ներկայացուցիչների հետ։
«Քանի դեռ Վաշինգտոնում էի, ինձ նախազգուշացրին Հայաստան իմ այցի հետ կապված որոշակի ռիսկերի մասին։ Մանրամասները բացահայտել չեմ կարող, սակայն խոսքը ֆիզիկական սպառնալիքի մասին է»,- նշել է նա։
Յաշինը նշել է, որ անվտանգության հետ կապված տեղեկությունն անտեսել չի կարող, ուստի որոշել է հետաձգել Հայաստան այցը։
«Ցավոք, ստիպված եմ եղել չեղարկել այնտեղ նախատեսված միջոցառումներին մասնակցությունս։ Շատ ցավալի է, որ այդպես ստացվեց։ Հուսով եմ՝ մոտ ապագայում, այնուամենայնիվ, հնարավորություն կունենամ այցելել Երևան»,- ասել է նա։
Ռուս ընդդիմադիր գործիչը հայտնել է, որ առայժմ կմնա ԱՄՆ-ում։
