16.11.2024 | 16:41
Հայաստանի ազգային հավաքականը մեկնել է Lատվիա
Ռոբերտ Քոչարյանն ինքնակամ գնացել է քրեակատարողական հիմնարկ, սպասում է քննիչի որոշմանը. փաստաբան. ՏԵՍԱՆՅՈՒԹ
Հասարակություն
07.12.2018 | 18:22
Ռոբերտ Քոչարյանը չի սպասել մինչև Վերաքննիչ քրեական դատարանը կալանքի որոշումը կուղարկի քննիչին, իսկ քննիչն այդ որոշումով կգնա իր հետևից։ Քոչարյանը գնացել է ԱԱԾ-ում գտնվող «Երևան կենտրոն» քրեակատարողական հիմնարկ․ «Ինքը դեռ այնտեղ է, իսկ քննիչը դեռ չի եկել համապատասխան որոշմամբ։ Պարոն Քոչարյանը հենց այս պահին սպասում է մինչև քննիչը կգա՝ դատարանի համապատասխան որոշումը բերի»,- երկրորդ նախագահ Քոչարյանի փաստաբանների հրավիրած ասուլիսում հայտարարեց փաստաբան Հայկ Ալումյանը։
Պաշտպանը նշում է, որ Գլխավոր դատախազ Արթուր Դավթյանը Քոչարյանի կալանքի որոշման հրապարակմանը չի մասնակցել։ Թեև Քոչարյանը իր կալանքի գործով նախորդ 5 նիստերին մասնակցել էր, այսօրվա վճռի հրապարակմանը դատարանում չի եղել՝ սպասել է տանը։
