17.09.2026 | 12:56
Երկրաշարժ Շողակաթ գյուղից 3 կմ հարավ-արևելք
100 միլիոնավոր դոլարների փոխանցած կանխավճարներ ունեինք, մեզ մեր գնած զենքը չէին տալիս․ Փաշինյան․ ՏԵՍԱՆՅՈՒԹ
Քաղաքականություն
17.09.2026 | 12:22
«Կանայք և գլոբալ անվտանգային ճարտարապետությունը» (ԿԳԱՃ) մտակենտրոնի ամենամյա «Համապարփակ անվտանգություն և դիմակայունություն-2026» խորագրով միջազգային համաժողովի ընթացքում վարչապետ Նիկոլ Փաշինյանը ներկայացրեց Հայաստանի անվտանգային ճարտարապետության, տարածաշրջանային տնտեսական փոխկապվածության ու արտաքին լեգիտիմության դերի մանրամասները:
Վարչապետն ընդգծեց, որ անվտանգության կարևոր բաղադրիչներից է հարևան երկրների հետ տնտեսական փոխշահավետության ապահովումը։
«Ուրիշ իրավիճակ է, երբ որ, օրինակ, Հայաստանը, Ադրբեջանը, Վրաստանը, Թուրքիան, Իրանի Իսլամական Հանրապետությունը… իրար հետ փող են աշխատում, և ուրիշ բան է, որ իրար հետ փող չեն աշխատում կամ… փոխադարձաբար պետական եկամուտները և հանրային բարեկեցությունը փոխադարձ կապի մեջ չեն իրար հետ»,-ասաց նա։
Փաշինյանի խոսքով՝ «Խաղաղության խաչմերուկ» նախագծի հիմքում ընկած է հենց այն տրամաբանությունը, որ ինչքան բարեկեցիկ է հարևանը, այնքան բարեկեցիկ է երկիրը։ Միևնույն ժամանակ, նա շեշտեց երկարաժամկետ կանխատեսելիության անհրաժեշտությունը՝ նկատելով, որ պատմական պահանջատիրության դրսևորումները քանդում են անվտանգային ճարտարապետությունը։
Վարչապետը հայտարարեց, որ ընտրությունների արդյունքներով «Իրական Հայաստանի» գաղափարախոսությունը դարձել է իշխող։ Նա նշեց, որ դպրոցներում չպետք է հնչեն մտքեր, որոնք հակասում են այդ գաղափարախոսությանը, քանի որ դրանք սպառնալիք են ստեղծում պետության համար։
Անդրադառնալով բանակի զարգացմանը՝ Փաշինյանը շեշտեց․ «Պաշտպանունակ բանակ չունեցող երկիրը ինքնին կարող է բոլոր գործոններից դուրս պարզապես գայթակղիչ լինել ագրեսիայի համար, ուղղակի դառնալ ագրեսիայի գայթակղություն»։
։
Նա հավելեց, որ բանակը գործելու է բացառապես Հայաստանի Հանրապետության միջազգայնորեն ճանաչված տարածքի պաշտպանության տրամաբանության ներքո։
լ ագրեսիայի գայթակղություն»։
2022 թ. զենքի մատակարարման խնդիրներն ու Պրահայի համաձայնությունը
Վարչապետը մանրամասներ ներկայացրեց 2022 թվականի օգոստոսի դրությամբ Հայաստանին զենքի մատակարարման արգելքների վերաբերյալ․ «2022 թվականի օգոստոսի դրությամբ պետությունների թիվը, որոնք Հայաստանի Հանրապետությանը զենք էին վաճառում, ինչքա՞ն էր՝ զրո, ոչ թե մեկ-երկու, այլ զրո… Մենք 100-ավոր միլիոնավոր դոլարներով փոխանցած գումարներ ունեինք, մեզ մեր վճարած զենքը չէին տալիս»։
Ըստ Փաշինյանի՝ միջազգային գործընկերների հրաժարման պատճառները երկուսն էին․ ՀԱՊԿ-ի անդամ լինելու բերումով ալգորիթմների արտահոսքի մտավախությունը և մտահոգությունը, որ տրամադրված զենքը կարող է օգտագործվել Հայաստանի միջազգայնորեն ճանաչված տարածքից դուրս։
Վարչապետը հավելեց, որ իրավիճակը փոխվել է 2022 թվականի հոկտեմբերի 6-ի Պրահայի համաձայնությամբ, որով Հայաստանն ու Ադրբեջանը Ալմա-Աթայի հռչակագրի հիման վրա ճանաչել են միմյանց տարածքային ամբողջականությունն ու ինքնիշխանությունը։
Մանրամասները՝ տեսանյութում։
Եվգենյա Համբարձումյան
