16.09.2026 | 19:14
Համաշխարհային օլիմպիադա. Շախմատի Հայաստանի հավաքականները մեկնարկեցին հաղթանակով
ՀՀ-ն է որոշումներ կայացնելու TRIPP մուտք ու ելքի պահին. Փաշինյան. ՏԵՍԱՆՅՈՒԹ
Քաղաքականություն
16.09.2026 | 18:46
Ազգային ժողովում կառավարության հետ հարցուպատասխանի ընթացքում ընդդիմադիր «Ուժեղ Հայաստան» խմբակցության պատգամավոր Մարիաննա Ղահրամանյանը հարց ուղղեց վարչապետ Նիկոլ Փաշինյանին՝ անդրադառնալով Ադրբեջանի արտգործնախարար Ջեյհուն Բայրամովի այն հայտարարությանը, թե TRIPP նախագծի շրջանակում Հայաստանի տարածքով անցնող հատվածի մուտքն ու ելքն իրականացվելու է Ադրբեջանով։
Պատգամավորը պահանջեց հստակեցնել, թե ինչ իրավական ռեժիմ է գործելու և կոնկրետ ով է որոշումներ կայացնելու սահմանային մուտքի ու ելքի ժամանակ։
Նախքան վարչապետի պատասխանը՝ ԱԺ փոխնախագահ Ռուբեն Ռուբինյանը նշեց, որ պատգամավորը ճշգրիտ չի մեջբերել Բայրամովին։ Նրա խոսքով՝ Ադրբեջանի ԱԳ նախարարն ասել էր, որ հաղորդակցության ուղիների մուտքի և ելքի կետերը գտնվում են Ադրբեջանի սահմանին՝ Սյունիքից արևելք և արևմուտք։
Արձագանքելով հարցին՝ վարչապետ Նիկոլ Փաշինյանն ընդգծեց, որ աշխարհագրական տեսանկյունից այլ տարբերակ չկա, քանի որ TRIPP ճանապարհը Հայաստանի տարածք է մտնելու և դուրս է գալու Ադրբեջանի սահմանից։
Վարչապետը հիշեցրեց, որ կանոնակարգերում հստակ ամրագրված է՝ ՀՀ իրավազորությունն ու տարածքային ամբողջականությունը որևէ քննարկման ենթակա չեն։
Պատգամավորի ճշտող հարցին, թե կոնկրետ ով է որոշումներ կայացնելու մուտքի և ելքի պահին, Նիկոլ Փաշինյանը կարճ և կոնկրետ պատասխանեց․ «Հայաստանի Հանրապետությունը։ Կոնկրետ ասում եմ»։
Մանրամասները՝ տեսանյութում։
Անի Թամրազյան
