Եվրոպա լիգա. «Արարատ-Արմենիան» պարտությամբ մեկնարկեց հիմնական փուլում. ՏԵՍԱՆՅՈՒԹ

Ֆուտբոլի Հայաստանի չեմպիոն «Արարատ-Արմենիան» նորամուտը նշեց Եվրոպա լիգայի հիմնական փուլում:

Առաջին տուրում երևանյան ակումբը Վազգեն Սարգսյանի անվան «Հանրապետական» մարզադաշտում ընդունեց չեխական «Սպարտա Պրահային» և պարտվեց 1:4 հաշվով (տեսանյութ)։

Առաջին խաղակեսում հյուրերը խփեցին երկու գոլ և ընդմիջման գնացին առավելությամբ։ Երկու րոպեում դուբլի հեղինակ դարձավ նորվեգացի պաշտպան Տոբիաս Գուդալը։

Երկրորդ խաղակեսի սկզբնամասում «Սպարտա Պրահան» մեծացրեց առավելությունը։ 54-րդ րոպեին հաշիվը 0:3 դարձրեց էկվադորցի վինգեր Ջոն Մերկադոն։

Մեկ րոպե անց հաշվի տարբերությունը կրճատեց «Արարատ-Արմենիայի» պորտուգալացի պաշտպան Բրունո Վիլսոնը։

71-րդ րոպեին չեխ կիսապաշտպան Պատրիկ Վիդրան խփեց չեխական ակումբի չորրորդ գոլը` վերջակետ դնելով խաղին։

Մանուել Տուլիպայի գլխավորած թիմը Եվրոպա լիգայում հաջորդ հանդիպումը կանցկացնի հոկտեմբերի 15-ին՝ հյուրընկալվելով լեհական «Յագելոնիային»: Լիգայի փուլում երևանյան ակումբը մրցելու է նաև նիդերլանդական «ԱԶ Ալկմարի» (հոկտեմբերի 22), պորտուգալական «Տորենսեի» (նոյեմբերի 5), ավստրիական «Զալցբուրգի» (նոյեմբերի 26), նիդերլանդական «ՆԵԿ Նեյմեգենի» (դեկտեմբերի 10), սլովենական «Ցելյեի» (հունվարի 21) ու իտալական «Միլանի» (հունվարի 28) հետ:

Եվրոպա լիգա, առաջին տուր

«Արարատ-Արմենիան» (Հայաստան) – «Սպարտա Պրահա» (Չեխիա)՝ 1:4

Բրունո Վիլսոն, 55 – Տոբիաս Գուդալ, 20, 22, Ջոն Մերկադո, 54, Պատրիկ Վիդրա, 71

Դավիթ Եղիազարյան