«Դաշնակցական բոլշևիզմ»-ից մինչև «ՀՀՇ-ի ծիլեր». գաղափարախոսական պարադոքս՝ ԱԺ-ում. ՏԵՍԱՆՅՈՒԹ

Լուրեր

22.11.2026 | 22:27
Սյունիքում մեքենաներ են արգելափակվել․ փրկարարներն օգնություն են ցուցաբերում
22.11.2026 | 21:17
Հայաստանի էներգահամակարգը հարևան մյուս երկու երկրների համակարգերին ինտեգրելը ՀԷՑ-ի հետ կապելը մանիպուլյացիա է․ Ռոմանոս Պետրոսյան
22.11.2026 | 21:01
Փակ և դժվարանցանելի ճանապարհներ Հայաստանում․ Փրկարար ծառայությունը տեղեկացնում է
22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
Բոլորը

Ազգային ժողովում Կառավարության անդամի երդման տեքստը երկրորդ ընթերցմամբ ընդունելու մասին օրենքի նախագծի այսօրվա քննարկումը վերածվեց գաղափարախոսական բանավեճի։

Որպես գլխադասային հանձնաժողովի հարակից զեկուցող ելույթ ունեցող «Քաղաքացիական պայմանագիր» խմբակցության պատգամավոր Արման Եղոյանը, անդրադառնալով երդման տեքստի՝ «Հանուն Հայաստանի հարատևության, անկախության և ինքնիշխանության» դրույթին, հայտարարեց, թե այդ նպատակների համար անհրաժեշտ է «դաշնակցականությունն արմատախիլ անել հայ քաղաքական մտքից»։

«Քրիստինե Վարդանյանը պետք է լինի հայ քաղաքական կյանքի վերջին դաշնակցականը։ Սա է ֆունդամենտալ նախապայմանը Հայաստանի Հանրապետության հարատևման, անկախության և ինքնիշխանության համար»,- ամբիոնից մատնացույց անելով ընդդիմադիր պատգամավորին՝ հայտարարեց Եղոյանը։

ՔՊ-ական պատգամավորը Դաշնակցությունը որակեց որպես «աղետաբեր և կոնֆլիկտածին» ուժ։ Եղոյանի ելույթին միջամտեցին ընդդիմադիրները՝ տեղից բացականչություններով։

«Հայաստան» խմբակցության պատգամավոր Արթուր Խաչատրյանը՝ պատասխանելով ՔՊ-ական պատգամավոր Արման Եղոյանի հայտարարություններին, նշեց, որ Եղոյանի մեջ երբեք էլ դաշնակցականություն չի եղել, և նա իր էությամբ «ՀՀՇ-ական արմատներից սերված ՔՊ-ական է»։

Քրիստինե Վարդանյանը Եղոյանի խոսքերը որակեց «բառացիորեն և տառացիորեն ֆաշիստական ելույթ»՝ զուգահեռներ անցկացնելով հայերի բնաջնջման թուրքական ծրագրերի հետ։

«Ինչպես թուրքերն էին ուզում աշխարհում թողնել մեկ հայ՝ որպես ցուցանմուշ, դուք բառացի նույնը կրկնեցիք։ Բայց ինչպես թուրքերն իրենց ծրագրում չհաջողեցին, նույն կերպ չեք հաջողելու դուք։ Ես ձեզ համար նոր տերմին ունեմ․ դուք երիտբոլշևիկներ եք»,- հայտարարեց ընդդիմադիր պատգամավորը։

Այս ելույթին էլ արձագանքեց ԱԺ նախագահ Ռուբեն Ռուբինյանը․

«Ես ուզում եմ հիշեցնել, որ այժմ Գյումրին ղեկավարվում է բոլշևիկների կողմից․ Բոլշևիկական կուսակցությունը, նույն ինքը Կոմունիստական կուսակցությունը, որի թեկնածուն Գյումրիում քաղաքապետ է, և որը Ուժեղ Հայաստանի թիմի անդամ է, որը երեկ խոստովանեց Ռուբեն Մխիթարյանը, ձեր թիմակիցներն են, Դաշնակցությունն էլ պաշտպանում էր բոլշևիկներին։ Եկել մեզ ասում եք՝ բոլշևիկներ եք, դե դուք էլ դաշնակցական եք»,- ասաց Ռուբինյանը։

Մանրամասները՝ տեսանյութում։
Անի Թամրազյան