15.09.2026 | 16:30
ԱԺ-ում հայտարարությունների ժամ է. ՈՒՂԻՂ
Ֆաշիստական ելույթ ունեցաք, դուք երիտբոլշևիկներ եք․ Վարդանյանը՝ Եղոյանին․ ՏԵՍԱՆՅՈՒԹ
Քաղաքականություն
15.09.2026 | 16:00
Ազգային ժողովում Կառավարության անդամի երդման տեքստի նախագծի քննարկման ժամանակ «Հայաստան» խմբակցության պատգամավոր Քրիստինե Վարդանյանն անդրադարձավ ՔՊ-ական Արման Եղոյանի՝ ավելի վաղ հնչեցրած այն հայտարարությանը, թե «Քրիստինե Վարդանյանը պետք է լինի հայ քաղաքական կյանքի վերջին դաշնակցականը»։
Վարդանյանը Եղոյանի խոսքերը որակեց «բառացիորեն և տառացիորեն ֆաշիստական ելույթ»՝ զուգահեռներ անցկացնելով հայերի բնաջնջման թուրքական ծրագրերի հետ։
«Ինչպես թուրքերն էին ուզում աշխարհում թողնել մեկ հայ՝ որպես ցուցանմուշ, դուք բառացի նույնը կրկնեցիք։ Բայց ինչպես թուրքերն իրենց ծրագրում չհաջողեցին, նույն կերպ չեք հաջողելու դուք։ Ես ձեզ համար նոր տերմին ունեմ․ դուք երիտբոլշևիկներ եք։ Ունեք նույն թիրախները, ինչ երիտթուրքերը, և նույն գործիքակազմը, ինչ բոլշևիկները»,- հայտարարեց նա՝ հավելելով, որ 135 տարվա պատմության ընթացքում ՀՅԴ-ի դեմ պայքարել են շատ ավելի հզոր ուժեր, և այսօրվա հարձակումներից կուսակցությունը միայն ուժեղանում է։
Մանրամասները՝ տեսանյութում։
Անի Թամրազյան
