Շվեդիայի ընտրություններում առաջատարը սոցիալ-դեմոկրատներն են

Նախնական տվյալներով՝ Ձախերի կուսակցությունը ստացել է ձայների 8,2 տոկոսը, Շրջակա միջավայրի պահպանության կուսակցությունը՝ 6,1 տոկոսը, իսկ Կենտրոնի կուսակցությունը՝ 7,1 տոկոսը։ Պահպանողական «Չափավորների կոալիցիոն կուսակցությունը» ստացել է ձայների 19,9 տոկոսը, «Շվեդ դեմոկրատները»՝ 17,6 տոկոսը, «Քրիստոնեա-դեմոկրատները»՝ 6,2 տոկոսը, իսկ «Լիբերալները»՝ 5,4 տոկոսը։ Նախընտրական հարցումները սկզբում կանխատեսում էին ձախակողմյան դաշինքի վստահ հաղթանակը աջակողմյան բլոկի նկատմամբ։ Սակայն քվեարկության օրվա մոտենալուն զուգահեռ Անդերսոնի գլխավորած ընդդիմադիր դաշինքի և Կրիստերսոնի գլխավորած միավորման միջև տարբերությունը նվազում էր։

Սոցիալ-դեմոկրատական ​​կուսակցությունն անցյալ դարի մեծ մասի ընթացքում կառավարել է Շվեդիան և մնում է երկրի ամենամեծ քաղաքական ուժը։ Ձախակողմյան դաշինքը խոստացել է ամրապնդել պետությունը և լուծել կենսամակարդակի բարձրացման խնդիրը։

Կրիստերսոնն իր քարոզարշավը կենտրոնացրել էր կառավարության կողմից բռնի և կազմակերպված հանցագործության կրճատման և ներգաղթային քաղաքականության խստացման վրա։ Աջակողմյան դաշինքի կողմնակիցները պնդում էին, որ ընտրություններում հաղթանակը կնշանակեր ընտրողների կողմից այս մոտեցման հավանությունը։

Նշենք, որ 10,6 միլիոն բնակչություն ունեցող երկրում շուրջ 8 միլիոն մարդ քվեարկելու իրավունք ունի։ Շվեդիայում ընտրություններին մասնակցությունը պարբերաբար գերազանցում է 80 տոկոսը։