03.07.2026 | 05:09
ԱԱ-2026. Պորտուգալիան հաղթանակ կորզեց ու կխաղա Իսպանիայի հետ. ՏԵՍԱՆՅՈՒԹ
Հ1-ի եթերում 11 քաղաքական ուժերի բանավեճի ընթացքում Նիկոլ Փաշինյանին և Վիգեն Սարգսյանին տրամադրվել է մի քանի հազար րոպե․ ՏԵՍԱՆՅՈՒԹ
Քաղաքականություն
07.12.2018 | 12:42
«Իրազեկ քաղաքացիների միավորման» ՀԿ-ն մոնիթորինգի է ենթարկել Ազգային ժողովի ընտրությունների քարոզարշավի վերաբերյալ հեռուստաընկերությունների և օնլայն ԶԼՄ-ների կողմից արված հրապարակումները։
ՀԿ-ի կողմից անցկացվող մոնիթորինգային խմբի համակարգող Վիկտորիա Անդրեասյանն այսօր հրավիրված քննարկման ժամանակ քարոզարշավի լուսաբանումը գնահատեց դրական և նշեց․ «Ընտրությունների քարոզարշավի վերաբերյալ հեռուստաընկերությունների լուսաբանումներն այս տարի բավականին շատ են եղել։ Բանավեճեր ու հարցազրույցներ են եղել ընտրություններին մասնակցող բոլոր քաղաքական ուժերի ներկայացուցիչների հետ»։
Վերջինս, սակայն, նշեց, որ անհավասար է եղել լուսաբանման համար հատկացված րոպեների քանակը։
«Ունենք ակնհայտ անհավասար լուսաբանման դեպքեր․ կան քաղաքական ուժեր, որոնք ակնհայտ առավել շատ են լուսաբանվել։ Անհավասար րոպեներ են հատկացվել քաղաքական ուժերին, և դա ավելի շատ առկա էր նաև Հ1-ի եթերում 11 քաղաքական ուժերի բանավեճի ընթացքում։ Այդ բանավեճի ընթացքում Նիկոլ Փաշինյանին և Վիգեն Սարգսյանին տրամադրվել է մի քանի հազար վայրկյան, իսկ, օրինակ, Արամ Սարգսյանին՝ մի քանի հարյուր։ Քաղաքական այլ գործիչներից էլ կան դժգոհություններ, որ չեն կարողացել իրենց տեսակետը արտահայտել»,- ասաց Վիկտորիա Անդրեասյանը։
Վերջինիս խոսքով՝ մոնիթորինգի արդյունքում հայտնի են դարձել նաև օնլայն մեդիայում ամենաշատ լուսաբանված ուժերը։
«Առաջին տեղում «Իմ քայլը»-ն է, երկրորդում՝ ՀՀԿ-ն։ Երրորդ տեղում է «Լուսավոր Հայաստան» կուսակցությունը»»,- ասաց նա։
Մանրամասները՝ տեսանյութում։
