02.11.2026 | 22:55
«Ադրբեջանում խոսքի ազատությունն ու անկախ քաղաքական գործունեությունը ճնշվում են». ԵԽԽՎ և ԵԱՀԿ ԽՎ ներկայացուցիչներ
Թուրքական բազա տեղը դրեք, մի բազա պետք ա․ Կարապետյանը՝ 102-րդ ռազմաբազայի դուրսբերման մասին․ ՏԵՍԱՆՅՈՒԹ
Քաղաքականություն
11.09.2026 | 16:32
«Ուժեղ Հայաստան» դաշինքի առաջնորդ Սամվել Կարապետյանը լրագրողների հետ զրույցում անդրադարձավ Հայաստանից ռուսական 102-րդ ռազմաբազայի հնարավոր դուրսբերման շուրջ քննարկումներին՝ հայտարարելով, որ դրա հեռացման դեպքում Հայաստանն «անտեր» կմնա տարածաշրջանում:
Պատասխանելով լրագրողի հարցին, թե ըստ իրեն ինչ կլինի, եթե ռուսական ռազմաբազան դուրս բերվի երկրից, Կարապետյանը նշեց․ «Կմնանք անտեր այս տարածաշրջանում։ Բա ի՞նչ ենք անում»։
Լրագրողի դիտարկմանը, թե ինչու պետք է երկիրն առանց դրա «անտեր» համարվի, Կարապետյանն ասաց․
«Դե թուրքական բազա տեղը դրեք։ Մի բազա պետք է, վերջը այդ բազան կա․ հիմա կա՛մ ռուսներն են, կա՛մ թուրքերն են, որոշե՛ք»։
Արձագանքելով հարցին, թե ինչու պետք է ընտրությունը լինի օտարերկրյա ներկայության միջև և ոչ սեփական՝ հայկական ԶՈՒ-երի, Սամվել Կարապետյանը հավելեց․ «Հայկական բազաներ ունենք։ Դե թող հանի դուրս։ Հիմա իշխանությունն ավելի շատ, ավելի լավ գիտի, ավելի լավ կարող է գնահատել։ Մի ստորագրությամբ կարող են ցտեսություն ասել»։
Մանրամասները՝ տեսանյութում։
Անի Թամրազյան
