«Բոնօստ» ՍՊ ընկերությունը պատկանող հանրային սննդի օբյեկտում (ք․ Երևան, Սարյան 16, տար․ 79, «Օստ. գինի և ուտելիք») արտադրվող «տոլմա» և «խինկալի» արտադրատեսակների նմուշների լաբորատոր կրկնակի փորձաքննությամբ պարզվել է, որ նախկինում հայտնաբերված մանրէաբանական խախտումները վերացվել են և արտադրատեսակները համապատասխանեցվել են «Սննդամթերքի անվտանգության մասին» Մաքսային միության տեխնիկական կանոնակարգի պահանջներին։ Այս մասին հայտնում է ՍԱՏՄ-ն։
«Հիմք ընդունելով վերոնշյալը, Սննդամթերքի անվտանգության տեսչական մարմնի ղեկավարի որոշմամբ, հանրային սննդի օբյեկտի արտադրական գործունեության առանձին գործառույթի՝ «տոլմա» և «խինկալի» արտադրատեսակների արտադրության, կասեցումը վերացվել է»,- ասված է հաղորդագրության մեջ։
Հիշեցնենք, որ մեկ ամիս առաջ սննդամթերքի անվտանգության տեսչական մարմինը կասեցրել էր Երևանի Սարյան 16 հասցեում գործող «Օստ. գինի և ուտելիք» հանրային սննդի օբյեկտում «տոլմա» և «խինկալի» արտադրատեսակների արտադրությունը։
