21.01.2026 | 16:42
Սիրիայի քրդերն ընդունել են հրադադարի բարելավված համաձայնագիրը
Համոզված եմ, որ Նիկոլ Փաշինյանը Ալեքսանդր Լուկաշենկոյից պարզաբանում է պահանջել․ Ալեն Սիմոնյան. ՏԵՍԱՆՅՈՒԹ
Քաղաքականություն
06.12.2018 | 21:44
Factor.am-ի հետ զրուցակիցն է պատգամավորի թեկնածու Ալեն Սիմոնյանը:
– Պարոն Սիմոնյան, երեկ հրապարակվեց ԱԱԾ տնօրեն Արթուր Վանեցյանի գաղտնալսված հեռախոսազրույցի երկրորդ հատվածը, որտեղ նա նաև վարչապետի պաշտոնակատար Նիկոլ Փաշինյանի հետ էր խոսում։ Արդյո՞ք սա ձեր թիմի և ԱԱԾ-ի համար ապտակ չէր։
– Ես կարծում եմ, այդ ձայնագրության ուշագրավ դրվագը ձայնագրության գոյություն ունենալն է, բովանդակային առումով որևէ խնդիր չեմ տեսնում։ Դա ապտակ է ոչ թե մեր իշխանությանը, այլև ՀՀ-ին։ Դա հերթական հակահեղափոխության փորձն է, հերթական անգամ մեր պետականությանը դեմ ուղղված քայլ է, որի արձագանքը, կարծում եմ, մենք պետք է միանշանակ տանք և կանխենք նման գործողությունները։ Կարող եմ գոհունակությամբ մի բան ասել, որ այդ հարցազրույցը չի ձայնագրվել ՀՀ տարածքում՝ այդ ժամանակ Ա․Վանեցյանը Շվեյցարիայում էր։
– Այդ դեպքում ներքի՞ն, թե արտաքին ուժերն են կատարել գաղտնալսումը։
– Ես չգիտեմ, թե ով է գաղտնալսողը, ես գիտեմ, որ դա տեղի է ունեցել, երբ Ա․Վանեցյանը գտնվում էր ռոոմինգի տակ։
– Միգուցե Ա․Վանեցյանն իր տեղում չէ՞, չէ որ գաղտնալսել են ԱԱԾ ղեկավարին։
– Ա․Վանեցյանը ՀՀ լավագույն պաշտոնյաներից մեկն է, ես դա հայտարարում եմ պաշտոնապես։ Միգուցե մնացածը իրենց տեղում չեն և պետք է բանտերում լինեն։ Կարծում եմ, խնդիրը կայանում է նրանում, որ մենք շատ ենք մնացել սիրո և համերաշխության տոնի մեջ, բայց մենք թույլ չենք տա, որ մեզ դրդեն և հանեն այդ վիճակից։
– Ձեր ընդդիմախոսները հակադարձում են, որ դաշտը սևի ու սպիտակի բաժանելը սեր և համերաշխություն չէ։
– Ովքեր են այդպես ասում։
– Հանրապետական կուսակցությունը, այլ մրցակիցներ ևս։
– ՀՀԿ-ին ես մեզ մրցակից չեմ համարում։ ՀՀԿ-ն չարիք է, այն կուսակցությունն է, որ մասին մենք խոսում ենք ուղղակի ժամանակի բերումով։ ՀՀԿ-ն վերջին 20-25 տարիներին Հայաստանին մեծագույն վնասներ է հասցրել։
– Գաղտնալսված ձայնագրությունը հրապարակվել է սեպտեմբերի 11-ին։ Այս երեք ամիսներին ԱԱԾ-ն կամ այլ իրավապահ մարմինները չէի՞ն կարող այնպես անել, որ հրապարակումը շարունակություն չունենար։
– Շարունակության հարցին ԱԺ-ում անդրադառնալով իմ հարցին՝ պարոն Փաշինյանը պատմել է։
Արմինե Ավետյան
Մանրամասները՝ տեսանյութում:
