08.09.2026 | 13:18
Քոչարյանի հետ կապվող բրենդային խանութում 9,46 մլրդ դրամի թաքցված շրջանառություն է բացահայտվել․ ՊԵԿ․ ՏԵՍԱՆՅՈՒԹ
Ուկրաինական ԱԹՍ-ները գրոհել են Սարատովը․վնասվել են բնակելի շենքեր, կան վիրավորներ
Քաղաքականություն
08.09.2026 | 11:59
Ուկրաինայի զինված ուժերի անօդաչու սարքերը լույս սեպտեմբերի 8-ի գիշերը հարձակվել են Սարատովի վրա։ Այս մասին հայտնել է Սարատովի մարզի նահանգապետ Ռոման Բուսարգինը։
Նրա խոսքով՝ վնասվել են մի քանի շենքեր, տուժել է 10 մարդ, այդ թվում՝ երեք երեխա։ Վեց մարդ հոսպիտալացվել է։ Նա հավելել է, որ բնակիչների համար բացվել է ժամանակավոր կացության վայր։ Այլ մանրամասներ չի հայտնել։
Ուկրաինական մոնիթորինգային տելեգրամ ալիքները՝ Exilenova+ և Supernova+, հայտնում են, որ անօդաչու սարքերը հարձակվել են Սարատովի նավթավերամշակման գործարանի վրա, որը նախկինում ևս բազմիցս դարձել է հարվածների թիրախ։
Տելեգրամ ալիքները նաև հայտնում են Սարատովի մարզի Էնգելս քաղաքում գտնվող ռազմական օդանավակայանի վրա հարձակման մասին, որը մեկ անգամ չէ, որ փորձել է թիրախավորել ուկրաինական ԶՈՒ-ն։
ՌԴ պաշտպանության նախարարությունը սեպտեմբերի 8-ի առավոտյան հայտարարել է, որ գիշերվա ընթացքում Ռուսաստանի տարածքի և բռնակցված Ղրիմի վրա ոչնչացվել է 384 ուկրաինական անօդաչու սարք։
Թարգմանությունը՝ Էմմա Չոբանյանի
