Բեռլինում բողոքի ցույցեր են․ ՏԵՍԱՆՅՈՒԹ

Բեռլինի Բրանդենբուրգյան դարպասների մոտ  նախօրեին հազարավոր ցուցարարներ են  հավաքվել՝ բողոքելու աջ ծայրահեղական «Այլընտրանք Գերմանիայի համար» (AfD) կուսակցության դեմ, այն բանից հետո, երբ հայտնի դարձավ, որ կուսակցությունը տարածաշրջանային ընտրություններում պատմական հաջողության է հասել։

Բեռլինի ոստիկանության հաշվարկով՝ հանրահավաքի սկսվելուց մեկ ժամ անց մասնակիցների թիվը եղել է 5000, մինչդեռ համակազմակերպիչ Campact-ը հայտնել է 14,000 ցուցարարի մասին, գրում է France 24-ը։

2025 թվականի սկզբին AfD-ի դեմ բողոքի ցույցերի նախորդ ալիքին հարյուր հազարավոր ցուցարարներ էին մասնակցել։

AfD-ն Գերմանիայի խորհրդարանի երկրորդ խոշորագույն խմբաակցությունն է և ամիսներ շարունակ առաջատար դիրք է զբաղեցնում համազգային հարցումների արդյունքներում։ Կիրակի օրը  կայացած տարածաշրջանային ընտրություններում այն ծանր պարտության է մատնել կանցլեր Ֆրիդրիխ Մերցի  CDU կուսակցությանը և Արևելյան Գերմանիայի Սաքսոնիա-Անհալթ երկրամասում ստացել ձայների գրեթե 44 տոկոսը։ Տնտեսական դժվարություններ ունեցող այս տարածաշրջանում բնակվում է մոտ 2,1 միլիոն մարդ։

AfD-ի հաղթանակը երկրում դիտարկվում է որպես քաղաքական երկրաշարժ, որով աջ ծայրահեղական կուսակցությունը նացիստական ժամանակաշրջանից ի վեր առաջին անգամ կարող է ստանձնել երկրամասի կառավարումը։

Երկուշաբթի Մերցը հայտարարել էր, որ քվեարկության արդյունքից «խորապես ցնցված» է, սակայն խոստացել շարունակել բարեփոխումների ծրագիրը։ Սեպտեմբերի 20-ին նախատեսվում է ևս երկու երկրամասային ընտրություն՝ Բեռլինում և արևելյան Մեկլենբուրգ-Պոմերանիայում։

Թարգմանությունը՝ Էմմա Չոբանյանի