28.10.2026 | 23:23
Քննարկվել են Լուվրի և Հայաստանի պատմության թանգարանի միջև համագործակցության հեռանկարները
Թուրք ընդդիմադիր պատգամավորն այցելել է Անի ու խոսել ՀՀ-ի հետ սահմանային առևտրի վերսկսման ցանկության մասին
Քաղաքականություն
08.09.2026 | 15:16
Թուրքիայի ընդդիմադիր Ժողովրդահանրապետական կուսակցության՝ CHP-ի Կարսից պատգամավոր Ինան Աքգյուն Ալփն այցելել է պատմական Անիի հնագիտական վայր, գրում են թուրքական լրատվամիջոցները։ Թուրքիայի և Հայաստանի միջև սահմանի զրոյական կետ այցելելուց հետո Ալփը նշել է, որ Թուրքիայի, Ադրբեջանի և Հայաստանի միջև ընթացող կարգավորման գործընթացները ընդգծում են Թուրքիայի անվտանգության կենտրոն դառնալու կարևորությունը:
Ալփը նաև անդրադարձել է Ադրբեջանի և Հայաստանի միջև առկա խնդիրները երկարատև խաղաղությամբ լուծելու կարևորությանը ու հայտարարել․
«Ինչպես գիտեք, Անի հին քաղաքը 2016 թվականին ընդգրկվել է ՅՈՒՆԵՍԿՕ-ի Համաշխարհային մշակութային ժառանգության ցանկում: Մեր դիմաց, ջրի մյուս կողմում, գտնվում է Հայաստանի տարածքը։Կամուրջը, որը տեսնում եք, պատմական Մետաքսի ճանապարհի կամուրջն է, որը մենք հույս ունենք, որ կդառնա «Խաղաղության կամուրջ»: Մենք պահանջում ենք, որ Ադրբեջանի և Հայաստանի միջև առկա խնդիրները լուծվեն երկարատև խաղաղությամբ, որ Թուրքիան դառնա անվտանգության գոտի, և որ մեր և Հայաստանի միջև սահմանային առևտուրը վերսկսվի»։
Նա նշել է, որ որպես Կարսի բնակիչներ՝ ցանկանում ենք, որ այդ ջանքերը անպայման դրական արդյունքներ տան։
Թարգմանությունը՝ Էմմա Չոբանյանի
