07.09.2026 | 11:21
Ունենք ոչ թե ավտոբուսների քանակի, այլ փողոցների ծանրաբեռնվածության խնդիր․ Ավինյան․ ՏԵՍԱՆՅՈւԹ
Մասնավոր բիզնեսները գերծանրաբեռնում են մեր աղբատարները. Ավինյան․ ՏԵՍԱՆՅՈՒԹ
Տնտեսություն
07.09.2026 | 10:40
Երևանի «Աղբահանություն և սանիտարական մաքրում» համայնքային հիմնարկի նորանշանակ տնօրեն Ռոմանոս Սաֆարյանը գործակարգավարական նիստում ասաց, որ հաշվետու ժամանակահատվածում Երևանում սպասարկվել է ընդհանուր 9359 աղբաման։ Նրա խոսքով՝ այս թիվը կարող է փոփոխվել, քանի որ ներկայում իրականացվում են գույքագրման աշխատանքներ։
«Վարձակալական հիմունքներով տրամադրված աղբամաններից ամենօրյա գրաֆիկով սպասարկվել է 225-ը»,- հայտնեց Սաֆարյանը։
Քաղաքապետ Տիգրան Ավինյանն ի պատասխան նշեց, որ այս թիվը բավարար չէ, և անհրաժեշտ է էապես ավելացնել վարձակալական աղբամանների քանակը։ Նրա խոսքով՝ մասնավոր բիզնեսների կողմից գոյացող աղբի մեծ ծավալները հաճախ ծանրաբեռնում են քաղաքային աղբատարները։ Քաղաքապետի խոսքով՝ տնտեսվարողների համար նախատեսված է առանձին՝ վճարովի ծառայություն, և անհրաժեշտ է աշխատել նրանց հետ, որպեսզի մասնավոր բիզնեսները օգտվեն այդ ծառայությունից ու ստանան առանձնացված սպասարկում։
«Նրանց աղբի ծավալները էականորեն ավելի մեծ են»,- նշեց Ավինյանը։
Մանրամասները՝ տեսանյութում։
Արփի Հակոբյան
